Atënë ti tongo nda ni
Nzapa asara ye tongana mbeni babâ so aye amolenge ti lo mingi. 1 Pierre 5:6, 7
Nzapa la asara e na lo yeke bi bê ti lo na e. Legeoko tongana ti so mbeni babâ so aye amolenge ti lo ayeke fa ye na ala, Nzapa nga ayeke fa tâ nzoni lege na azo ti lo na ndo kue.
Nzapa ayeke fa na e atâ tënë so ayeke nzoni mingi na so asara si e duti na ngia nga amû beku na e.
Tongana mo mä Nzapa, lo yeke fa lege na mo, lo yeke bata mo nga lo yeke mû maboko na mo ti hon ndö ti akpale ti mo.
Me ahon aye so kue, mo yeke wara fini ti lakue lakue!
Nzapa atene na e: “Ala ga na mbage ti mbi. Ala mä mbi si ala ngbâ na fini.” Ésaïe 55:3
Bâ nga
AKOTA FANGO YE TI BIBLE
Nzapa ayeke na iri?
Nzapa ayeke na atitre mingi so na popo ni, Lo ti Ngangu Ahon Kue, Lo so aleke aye kue, nga na Seigneur. Me a sara kua na tâ iri ti Nzapa ahon fani 7 000 na yâ ti Bible.
