MBAGE 6
Ye so asi na ngoi ti Noé afa nyen na e?
Nzapa afuti lani asioni zo me lo bata Noé na azo ti sewa ti lo. Genèse 7:11, 12, 23
Ngu apika lâ 40 na bï 40, nga ngu ni amû lê ti sese kue. Asioni zo akui kue.
A-ange so ake lani yanga ti Nzapa achangé terê ti ala ti zo na ala ga asioni yingo.
Azo so ayeke na yâ ti arche ni asö kuâ lani. Atâa so Noé na azo ti sewa ti lo akui fadeso awe, Nzapa ayeke zingo ala ande ti tene ala wara pasa ti ngbâ na fini teti lakue lakue.
Nzapa ayeke kiri ti futi asioni zo me lo yeke bata anzoni zo. Matthieu 24:37-39
Satan na asioni yingo ti lo angbâ ti handa azo laso.
Laso, azo ake yanga ti Jéhovah tongana ti ngoi ti Noé. Na yâ ti kete ngoi, fade Jéhovah afuti asioni zo kue.—2 Pierre 2:5, 6.
Ambeni zo ayeke tongana Noé. Ala mä yanga ti Nzapa na ala sara ye so lo hunda na ala. Azo ni so ayeke aTémoin ti Jéhovah.
Bâ nga
ABUKU & ABROCHURE
Dunia so ayeke biani na tïtî zo wa?
Kiringo tënë ti Bible alingbi ti duti nde na ye so mo pensé na ni. Bâ ndani so a lingbi mo gi ti hinga kiringo tënë ni nga na aye so ayeke si ande.
