Atënë ti tongo nda ni ti mbage 12
Jésus afa lani tënë na azo na ndö ti Royaume ti yayu. Lo fa nga na ala ti sambela ti tene iri ti Nzapa aga nzoni-kue, ti tene Royaume ti lo aga nga ti tene a sara ye so bê ti Nzapa aye na sese ge. Tongana mo yeke babâ wala mama, fa na molenge ti mo ye so sambela so aye ti fa na e. Jésus azia lege pëpe na Satan ti pusu lo ti ke Jéhovah. Jésus asoro abazengele ti lo, na ala ga tongana fondation ti Royaume ni. Fa na molenge ti mo ni ti bâ tongana nyen la tënë ti tâ vorongo agbu bê ti Jésus mingi. Teti so Jésus aye ti aidé azo, a sara si lo sava akobela ti ala, lo mû na ala kobe, nga lo zingo même ambeni zo na kuâ. Na lege ti amiracle so kue, lo fa ye so Royaume ayeke sara ande ndali ti azo.
NA YÂ TI MBAGE SO
YE TI MANDA 74
Jésus aga Messie
Jean aye ti tene nyen tongana lo tene so Jésus ayeke Kete taba ti Nzapa?
YE TI MANDA 75
Zabolo atara Jésus
Zabolo atara Jésus lege ota. Fa atara ota ni so. Jésus akiri tënë tongana nyen?
YE TI MANDA 76
Jésus azi saleté na yâ ti temple
Ngbanga ti nyen la Jésus atomba anyama na gigi ti temple nga lo kinda atable ti azo ti changengo nginza?
YE TI MANDA 77
Mbeni wali so aga ti tö ngu na dû ti ngu
Li ti mbeni wali ti Samarie akpe tongana Jésus asara tënë na lo. Ngbanga ti nyen? Nyen la Jésus atene na lo so ade lo tene na mbeni zo ape?
YE TI MANDA 78
Jésus afa tënë ti Royaume
Jésus ahunda na ambeni disciple ti lo ti ga “azo ti gingo azo.” Na pekoni, lo fa ye na ambeni disciple ti lo 70 ti gue ti fa mbeni nzoni tënë na azo.
YE TI MANDA 79
Jésus asara gbâ ti amiracle
Na ndo kue so Jésus ayeke dä, azo so terê ti ala ason aga ti tene lo bâ lege ti ala, na lo yeke sava ala. Lo zingo même mbeni kete molenge-wali na kuâ.
YE TI MANDA 80
Jésus asoro abazengele ti lo bale-oko na use
Lo soro ala ti sara nyen? Mo ngbâ ti bata iri ti ala?
YE TI MANDA 81
Fango ye ti Jésus na ndö ti Hoto
Jésus afa akpengba ye ti manda na mbeni bungbi ti azo.
YE TI MANDA 82
Jésus afa na adisciple ti lo tongana nyen ti sambela
Jésus atene na adisciple ti lo ti ‘ngbâ ti hunda’ nyen?
YE TI MANDA 83
Jésus amû kobe na gbâ ti azo
Nyen la miracle so afa na e na ndö ti Jésus nga na Jéhovah?
YE TI MANDA 84
Jésus atambela na ndö ti ngu
Tara ti imaginé tënë ti bê ti abazengele na ngoi so ala bâ miracle so
YE TI MANDA 85
Jésus asava mbeni zo na lâ ti Sabbat
Ngbanga ti nyen la terê ti ambeni zo anzere ape na ye so Jésus asara so?
YE TI MANDA 86
Jésus azingo Lazare
Tongana Jésus abâ Marie so ayeke toto, lo kue lo toto. Me toto ti azo ni atourné aga ngia.