Mbage so ayeke sara tënë na e na ndö ti Joseph, Job, Moïse nga na azo ti Israël. Ala kue agbu ngangu mingi na yâ ti atara ti Zabolo. A sara ye na ambeni na lege ni pëpe, a kanga ambeni, a gue na ambeni na ngbâa nga ti ambeni, azo ti ala so ala ye ala mingi akui gï gbagburu tongaso. Me Jéhovah abata ala na alege nde nde. Tongana mo yeke babâ wala mama, fa na molenge ti mo ti hinga tongana nyen la awakua ti Jéhovah so angbâ ti duti lani na mabe na lo atâa so ala bâ pasi mingi.

Jéhovah asara kua na aye ti ngangu bale-oko ti fa so lo yeke na ngangu mingi ahon anzapa ti Égypte kue. Fa na molenge ni tongana nyen la Jéhovah abata ândö azo ti lo nga tongana nyen la lo yeke bata azo ti lo laso.