MBAGE 3
Zingo azo na Égypte juska na kozo gbia ti Israël
Moïse asigigi na azo ti Israël na ngbâa na Égypte ti gue na ala na hoto ti Sinaï, ndo so Nzapa amû na ala andia ti lo. Na pekoni, Moïse atokua awakala 12 ti bâ sese ti Canaan. Me 10 na popo ti ala akiri na ala tene nzoni tënë pëpe. Ala sara si azo ti Israël aye ti kiri na Égypte. Teti so azo ti Israël amä na bê pëpe na Nzapa, Nzapa atene na ala so ala yeke tambela ngu 40 na yando.
Na nda ni, Jéhovah asoro Josué ti gue na azo ti Israël na sese ti Canaan. Ti tene ala mû sese ni, Jéhovah asara amiracle. Lo sara si Ngu ti Jourdain aluti, lo sara si gbagba ti Jéricho atuku na sese, na lo sara si lâ aluti teti lango oko. Na peko ti ngu omene, azo ti Israël amû sese ni na tîtï azo ti Canaan.
Ti londo na Josué, ajuge akomande azo ti Israël teti ngu 356. E yeke manda ye na ndo azo tongana Barak, Gédéon, Jephté, Samson na Samuel. E yeke diko ande nga ye na ndo awali tongana Rahab, Débora, Jaël, Ruth, Naomi na Dalila. MBAGE 3 so asara tënë ti aye so asi na yâ ti angu 396.
NA YÂ TI MBAGE SO
MBAÏ 36
Molenge ti bagara ti lor
Ngbanga ti nyen azo ni avoro mbeni statue so asara ni na aye ti mê ti lor?
MBAÏ 38
Awakala 12
Awakala bale-oko atene gi oko tënë, mais use atene mbeni tënë nde. Azo ti Israël ama na be na tënë ti zo wa?
MBAÏ 39
Keke ti Aaron
Tongana nyen la afleur na le ti keke alingbi ti sigi na tere ti mbeni kete keke so ahule awe?
MBAÏ 44
Rahab ahonde awakala
Rahab amu maboko na awakala use so tongana nyen, na lo voro yanga na ala ti sara nyen?
MBAÏ 48
Ndara ti azo ti Gabaon
Azo ti Gabaon ahanda Josué na azo ti Israël si azo ni mû yanga ti tiri bira na ala pëpe, na azo ti Israël asara ye alingbi na yanga so ala mû.
MBAÏ 49
Lâ aluti
Jéhovah asara na Josué mbeni ye so la oko ade lo sara ni ape na so lo sara ni na pekoni ape
MBAÏ 50
Awali use so asara ye na mbeto pëpe
Barak la akomande aturugu ti Israël na yâ ti bira ni, me ngbanga ti nyen la gonda ni akiri na Jaël?
MBAÏ 52
Gédéon na azo ti lo 300
Nzapa asoro kete wungo ti aturugu ni na tarango ala na mbeni kode ti nyongo ngu.
MBAÏ 53
Yanga so Jephté amû
Yanga so lo mû na Jéhovah ando gi lo oko ape me andu nga molenge ti lo ti wali.
MBAÏ 55
Mbeni kete molenge ti koli asara na Nzapa
Nzapa asara kua na maseka Samuel ti tene mbeni tokua ti vundu na kota prêtre Eli.