MBAGE 4
Kozo gbia ti Israël juska na dutingo ngbâa ti azo ti Israël na Babylone
Saül aga kozo gbia ti Israël. Me Jéhovah ake lo, na lo soro David ti ga gbia na place ti lo. E yeke manda ande ye mingi na ndo ti David. Na lâ ti maseka ti lo, David atiri na Goliath, mbeni kota yongoro zo. Na pekoni, David akpe yongoro na tere ti gbia Saül, zo so bê asara lo. Mbeni lâ, Abigaïl, so ayeke pendere wali mingi, akanga lege na lo ti sara mbeni ye ti sioni.
E yeke manda ande nga ye mingi na ndo ti Salomon, molenge ti David, so aga gbia ti Israël na peko ti babâ ti lo. Akozo gbia ota ti Israël akomande ala oko oko kue ngu 40. Na peko ti kuâ ti Salomon, yâ ti Israël akangbi ti ga aroyaume use: royaume ti banga na royaume ti mbongo.
Royaume ti banga ayeke na akete mara 10 ti Israël, na a ninga ngu 257 kozoni si azo ti Assyrie aga afuti ni. Angu 133 na pekoni, a futi nga royaume ti bongo so ayeke na akete mara use ti Israël. Na ngoi ni so, a gue na azo ti Israël na ngbâa na Babylone. Tongaso, MBAGE 4 so asara tënë ti aye so asi na yâ ti angu 510, na aye mingi asi so e yeke bâ ni ande.
NA YÂ TI MBAGE SO
MBAÏ 56
Saül, kozo gbia ti Israël
E lingbi ti manda aye mingi na ndo ti Saül so Nzapa asoro lo kozo na pekoni Nzapa ake lo.
MBAÏ 58
David na Goliath
Nde na lance ti lo, David asara nga kua na mbeni ngangu ye ti bira ti tiri na Goliath.
MBAÏ 59
David akpe
Kozoni tere ti Saül anzere mingi ndali ti ye so David asara, me na pekoni lo ye ti fâ David. Ngbanga ti nyen?
MBAÏ 60
Abigaïl na David
Abigaïl ahiri koli ti lo buba zo, me ye so asö fini ti koli ni — teti kete ngoi.
MBAÏ 61
David aga gbia
David afa so lo lingbi ti ga gbia ti Israël na lege ti aye so lo sara nga na ti aso lo ke ti sara.
MBAÏ 62
Vundu na yâ ti da ti David
Na lege ti sioni sarango ye oko, David aga na aye ti vundu na ndo ti lo wani nga na sewa ti lo teti angu mingi.
MBAÏ 64
Salomon aleke temple
Atâa so lo yeke na ndara mingi, azo apusu Salomon ti sara mbeni buba ye nga so ayeke sioni.
MBAÏ 65
Yâ ti royaume akangbi
Kete na peko ti so lo ga gbia Jéroboam, lo pusu mara ni ke andia ti Nzapa.
MBAÏ 67
Josaphat azia bê ti lo na Jéhovah
Ngbanga ti nyen ambeni zo ti hengo bia so ayeke nga na aye ti bira ape ayeke na devant ti ambeni turugu so ayeke gue na bira?
MBAÏ 68
A zingo amolenge-koli use na kuâ
Me zo so akui awe, lo lingbi ti kiri na fini? Ye so asi kozo awe!
MBAÏ 71
Paradis so Nzapa amû zendo ni
Kozo paradis ni ayeke lani gi kete; ti so ni ayeke mû ande ndo ti sese kue.
MBAÏ 74
Koli so mbeto ti ye oko asara lo pëpe
Jérémie abâ ti lo so ni ngbâ maseka mingi tongaso ni lingbi ti ga prophète ape, me Nzapa ahinga so lo lingbi ti sara ni.
MBAÏ 75
Daniel na amba ti lo maseka ota
Ala gbu ngangu atâa so amû ala ahon na ni yongoro na asewa ti ala.
MBAÏ 76
A futi Jérusalem
Ngbanga ti nyen la Nzapa azia si azo ti Babylone so ayeke awato ti azo ti Israël afuti Jérusalem?