SARANGO ADISCIPLE
YE TI MANDA 10
Mû terê ti mo kue ti aidé azo ti ga adisciple
Mama-ndia ni: “E yeke lani na ngia ti fa na ala gï nzoni tënë ti Nzapa pëpe, me e mû nga terê ti e kue na ala, ngbanga ti so ala ga azo so e ye ala mingi.”—1 aThes. 2:8.
Ye so Jésus asara lani
1. Bâ VIDÉO ni, wala diko Jean 3:1, 2. Na pekoni kiri tënë na ahunda so:
-
Ngbanga ti nyen la peut-être Nicodème ague lani ti bâ Jésus na bï?—Bâ Jean 12:42, 43.
-
So Jésus awara terê na Nicodème na bï, tongana nyen la lo fa so lo mû terê ti lo kue ti sara adisciple?
Tapande ti Jésus afa na e nyen?
2. So e ye azo, e mû terê ti e kue ti sara si ala ga adisciple.
Sara ye tongana Jésus
3. Sara étude ti zo ni na ngoi nga na ndo so lo ye. Peut-être lo ye mbeni mbilimbili lango na yâ ti yenga ni wala mbeni mbilimbili l’heure na yâ ti lango ni. Eskê a nzere na lo ti manda ye na place ti kua ti lo, na yanga-da wala na mbeni ndo so azo ayeke gue ka dä mingi? Tongana lege ayeke dä, leke yâ ti kapa ti mo ti lingbi na ti lo.
4. Sara étude ti zo ni lakue. Tongana mo yeke duti dä ape, sara kue ti tene lo manké étude ni ape. Bâ ambeni ye so mo peut ti sara:
-
Eskê mo peut ti sara étude ni na mbeni ngoi nde na yâ ti yenga ni?
-
Eskê mo peut ti sara étude ni na téléphone wala na lege ti appel vidéo?
5. Sambela ti duti na nzoni bango ndo. Hunda Jéhovah ti aidé mo ti mû terê ti mo kue ti aidé zo so mo yeke manda ye na lo, même tongana lo yeke manda ye lakue ape wala lo yeke sara ye hio alingbi na ye so lo yeke manda ape (aPhil. 2:13). Peut-être zo ni ayeke na gbâ ti anzoni sarango ye; hunda Jéhovah ti aidé mo ti bâ ni.
