SARANGO ADISCIPLE
YE TI MANDA 11
Fa ye na lege so akpengba ape
Mama-ndia ni: ‘Tene tënë so zo alingbi ti gbu ndani hio.’—1 aCor. 14:9.
Ye so Jésus asara lani
1. Bâ VIDÉO ni, wala diko Matthieu 6:25-27. Na pekoni kiri tënë na ahunda so:
Tapande ti Jésus afa na e nyen?
2. Tongana e fa ye na mbeni lege so akpengba ape, azo ayeke girisa ni ape nga e yeke ndu bê ti ala.
Sara ye tongana Jésus
3. Diko tënë mingi ape. Fa na zo ni ye kue so mo hinga na ndö ti tënë ni ape, me ngbâ gï na ndö ti ye so ayeke na yâ ti mbeti so ala yeke manda. Na peko ti so mo hunda mbeni tënë, kanga bê mo ku ti tene zo ni akiri tënë. Tongana lo hinga kiringo tënë ni ape wala lo fa mbeni bibe so ague nde na ye so Bible afa, hunda ambeni tënë nde ti aidé lo ti gbu li na ndö ti tënë ni. Tongana lo mä yâ ti tënë ni awe, gue na devant.
4. Sara kua na aye so zo ni ahinga awe ti aidé lo ti mä yâ ti afini ye. Na tapande, kozo ti komanse mbeni ye ti manda na ndö ti zingongo ti akuâ, na nduru tënë, mo peut ti dabe ti lo na ye so lo manda na ndö ti azo so akui.
5. Sara kua nzoni na atapande. Kozo ti mû mbeni tapande, hunda terê ti mo: