TONGO NDA TI MBENI LISORO
YE TI MANDA 3
Sara ye na nzoni bê
Mama-ndia ni: ‘Ndoye asara nzoni na zo.’ —1 aCor. 13:4.
Ye so Jésus asara lani
1. Bâ VIDÉO ni, wala diko Jean 9:1-7. Na pekoni kiri tënë na ahunda so:
-
Nyen la Jésus asara kozo: lo sava koli ni wala lo fa na lo nzoni tënë?—Bâ Jean 9:35-38.
-
Ti mo, mo pensé so koli ni ayeke nduru ti mä Jésus ngbanga ti nyen?
Tapande ti Jésus afa na e nyen?
2. Peut-être mbeni zo ayeke ye mingi ti mä e tongana lo bâ so e pensé na lo.
Sara ye tongana Jésus
3. Zia terê ti mo na place ti zo ni. Gi ti imaginé ye so lo sentir.
-
Hunda terê ti mo: ‘Nyen la peut-être lo yeke gi bê ti lo na ndö ni? Nyen la apeut ti aidé lo nga ti nzere na lo?’ Tongana mo hunda terê ti mo tongaso, a yeke sara si bê ti mo apusu mo ti sara nzoni na lo.
-
Fa so mo pensé na ye so agbu bê ti lo na lege so mo mä lo. Tongana lo fa na mo atënë ti bê ti lo wala lo fa na mo mbeni kpale so lo wara, changé lisoro ni ape.
4. Sara tënë na nzoni bê nga na nengo zo. Tongana mo bâ mawa ti mbeni zo nga mo ye biani ti aidé lo, totongo ti go ti mo ayeke fa ni. Sara hange na tënë so mo yeke tene nga na fason so mo yeke tene na ni, nga kpe ti tene mbeni tënë so apeut ti son bê ti zo ni.
5. Mû maboko na zo ni. Gi ti sara aye ti aidé zo ni. Tongana e sara nzoni bê na mbeni zo, peut-être lo yeke yeda ti sara lisoro na e.
