“Mo la mo sara aye kue.”—Apocalypse 4:11

Bible alingbi ti fa nyen na e na ndö ti Nzapa?

• Apocalypse 15:3

  Lo yeke lo so ngangu ti lo ahon angangu kue, lo yeke na ngangu mingi ahon azo kue na yâ ti dunia.

• Psaume 90:2

  Lakue lo yeke gï dä.

• Matthieu 6:9

  Nzapa ayeke Babâ ti e.

  Lo ye si gigi ti e anzere na e.

• Kusala 17:27

  Nzapa aye ti ga nduru na e.

‘Jéhovah ayeke iri ti mbi, a yeke ngbâ lakue lakue.’—Exode 3:15

Ngbanga ti nyen la iri ti Nzapa ayeke kota mingi?

• Psaume 83:18

  Nzapa afa na e so iri ti lo ayeke Jéhovah. “Nzapa” na “Seigneur” ayeke airi pëpe. A yeke atitre tongana “gbia” wala “président.” Jéhovah aye ti tene mo di iri ti lo.

• Exode 3:14

  Nda ti iri ti lo aye ti tene “Lo so asara si ye aga mbeni ye wala ye abâ gigi.” Ndali ti so Jéhovah la acréé aye kue, lo lingbi ti sara si zendo kue so lo mû aga tâ tënë nga lo lingbi ti sara ye so lo leke na bê ti lo ti sara.

“Nzapa ayeke ndoye.”—1 Jean 4:8

Nzapa afa ndoye ti lo na mbage ti e tongana nyen?

• Exode 34:6; Psaume 37:28

  Lo sara nzoni bê na zo nga lo bâ mawa ti zo. Lo ye tâ tënë nga na fango ngbanga ti mbilimbili.

• Psaume 86:5

  Lo yeke pardonné zo.

• 2 Pierre 3:9

  Lo yeke kanga bê na e.

• Apocalypse 15:4

  Lo yeke be-ta-zo na e.

“Mû agingo bê ti [mo] kue [mo] bi ni na ndö ti lo, ngbanga ti so lo yeke bi bê ti lo na ndö ti [mo].”—1 Pierre 5:7

Mo hinga tongana nyen so Nzapa ayeke pensé biani na mo?

• Psaume 37:9-11

  Lo tene lo yeke zi ande pasi nga na asioni ye kue so asioni zo asara.

• Jacques 4:8

  Jéhovah aye ti tene mo ga nduru na lo.

• Jean 17:3

  Tongana mo manda ye mingi na ndö ti Nzapa, mo yeke ye lo mingi.