“Ala sepela Jéhovah, ala a-ange ti lo kue so ayeke na ngangu mingi.”—Psaume 103:20

Nyen la e hinga na ndö ti a-ange?

• Job 38:4-7

  Jéhovah asara a-ange kozo ti tene lo sara sese.

• Apocalypse 5:11

  A-ange ayeke kutu mingi.

• 1 Pierre 1:11, 12

  Ye so Nzapa aleke na bê ti lo ti sara teti sese agbu lakue bê ti a-ange.

• Luc 15:10

  Tënë ti azo so ayeke sara na Nzapa agbu bê ti a-ange mingi.

“Ange ti Jéhovah asara camp na terê ti azo so akpe mbeto ti Lo, na lo sö ala.”—Psaume 34:7

E hinga tongana nyen so a-ange alingbi ti mû maboko na azo?

• Genèse 19:15, 16; Daniel 6:22; Luc 22:43; Kusala 12:6-11

  A-ange amû lani maboko na Lot, Daniel, Jésus nga na Pierre.

• A-Hébreu 1:7, 14

  Jéhovah asara kua na a-ange ti mû maboko na awakua ti lo laso nga ti bata ala.

“Satan awara go na ndö ti e pëpe, ngbanga ti so e hinga nzoni mingi aye so lo ye ti sara.”—2 aCorinthien 2:11

Asioni yingo ayeke azo wa? Ngbanga ti nyen la ala yeke sioni?

• Apocalypse 12:9

  Mbeni ange asara kpengbango-li na Jéhovah. A iri lo Satan.

• Genèse 6:2

  Na ngoi ti Noé, ambeni ange asara kpengbango-li na ala ga lani na sese.

• Matthieu 9:34

  A-ange so amû peko ti Satan na yâ ti kpengbango-li ti lo ni na ala ga asioni yingo.

• Deutéronome 18:10, 11

  Asioni yingo ayeke sara kue ti gi ti handa azo nga ti sara sioni na ala.

“Ala luti na Zabolo, lo yeke kpe ande yongoro na ala.” —Jacques 4:7

Tongana nyen la Jéhovah alingbi ti mû maboko na mo ti dö sese na Satan nga na asioni yingo?

• Kusala 19:19

  Bi aye kue so asara si sarango yorö, magie, asioni yingo wala aye ti ndima akpa ye so ayeke sioni pëpe wala akpa ye ti ngia.

• A-Éphésien 6:16, 18

  Sara si mabe ti mo akpengba na lege ti mandango Bible, nga sambela Nzapa ti bata mo.

• A-Proverbe 18:10

  Di iri ti Jéhovah.