“Tâ Nzapa alingbi lâ oko pëpe ti sara ye ti sioni, Lo so ngangu ti lo ahon angangu kue alingbi ti sara sioni pëpe.” —Job 34:10

Ngbanga ti nyen la pasi ayeke mingi na yâ ti dunia?

• 1 Jean 5:19

  Mokonzi ti dunia so ayeke Satan Zabolo.

• Zo-ti-fa-tene 8:9

  Azo asara si amba ti ala abâ pasi.

• Zo-ti-fa-tene 9:11

  Na ambeni ngoi, azo abâ pasi ndali ti so ala duti na mbeni sioni ndo na sioni ngoi.

• 1 Pierre 5:7

  Jéhovah aye azo mingi. Lo ye pëpe ti bâ ala na bango pasi.

“Nzapa ahinga so . . . lê ti ala ayeke zi, na ala yeke ga tongana Nzapa, ala yeke hinga ye ti nzoni na ye ti sioni.”—Genèse 3:5

Ndali ti nyen la Jéhovah afuti Satan na lê ni lê ni pëpe?

• Genèse 3:2-5

  Satan atene so Nzapa ayeke sioni mokonzi. Satan aye ti tene azo ayeda so ala yeke na droit ti mû desizion ala wani na ndö ti ye so ayeke nzoni na ye so ayeke sioni.

• Job 38:7

  Satan agi yanga ti Jéhovah na lê ti a-ange kutu mingi.

“Zo so ayeke tambela, a yeke même na lo wani ti fa lege na gere ti lo pëpe.”—Jérémie 10:23

Ndali ti nyen la azo abâ pasi aninga tongaso so?

• Ésaïe 55:9

  Azo atara mara ti agouvernement nde nde, me ala lingbi pëpe ti komande nzoni na ndö ti sese sân Nzapa.

• 2 Pierre 3:9, 10

  Jéhovah akanga bê nga lo zia ngoi na e ti hinga lo nga ti soro lo tongana Gbia ti e.

• 1 Jean 3:8

  Jéhovah ayeke sara ande kua na Jésus ti leke sioni ye kue so Satan asara.

“Molenge ti mbi, sara ye na ndara, . . . si mbi kiri tënë na zo so ayeke gi yanga ti mbi.”—aProverbe 27:11

Ndali ti nyen la Jéhovah agbu e na ngangu pëpe ti sara na lo?

• A-Proverbe 30:24

  Anyama ayeke soro pëpe ti sara ye ti nzoni na ye ti sioni, me Jéhovah amû na e liberté ti soro ye so e ye ti sara. E lingbi ti mû desizion wala e ye ti sara na lo wala e ye ti sara na lo pëpe.

• Matthieu 22:37, 38

  Jéhovah aye ti tene e sara na lo ndali ti so e ye lo.