“Ndali ti tënë so, mbi kuku na genou ti mbi na gbe ti Babâ ni, lo so na lege ti lo asewa kue na yayu nga na sese awara iri ti ala.”—aÉphésien 3:14, 15

Tongana nyen la sewa ti mo alingbi ti duti na ngia?

• Genèse 1:26-28

  Jéhovah la azia lani na sese gere ti kozo sewa.

• A-Éphésien 5:1, 2

  Kpengba ye so alingbi ti sara si sewa aduti na ngia ayeke ti tene ala mû tapande ti Jéhovah na Jésus.

“A lingbi koli oko oko na popo ti ala andoye wali ti lo . . . a lingbi wali ane koli ti lo mingi.”—aÉphésien 5:33

A lingbi koli na wali asara ye na mbage ti mba tongana nyen?

• A-Éphésien 5:22-29

  Koli ayeke mokonzi ti sewa. A lingbi lo ye wali ti lo nga a lingbi wali ti lo amû maboko na lo na yâ ti adesizion so lo yeke mû.

• A-Colossien 3:19; 1 Pierre 3:4

  A lingbi ala sara ye na nzoni bê nga ala bi bê na mba.

• 1 Pierre 3:1, 2, 7

  A lingbi koli na wali ane mba.

• 1 Timothée 5:8; Tite 2:4, 5

  A lingbi koli amû na azo ti sewa ti lo ye so ala bezoin ni. A lingbi wali abâ lege ti azo ti da ti lo nzoni.

“Ala son bê ti amolenge ti ala pëpe, me ala ngbâ ti bata ala alingbi na fango lege nga na wango ti gbotongo mê so alondo na Jéhovah.”—aÉphésien 6:4

Kua ti ababâ na amama ayeke nyen?

• Deutéronome 6:4-9; aProverbe 22:6

  A lingbi ala mû ngoi ti fa ye na ndö ti Jéhovah na amolenge ti ala. To nda ni na ngoi so ala de tâ kete, kanga bê ti mo ti mû maboko na ala oko oko ti ga kamarade ti Jéhovah.

• 1 Pierre 5:8

  Fa na amolenge ti mo ti kpe azo so aye ti bungbi na ala koli na wali na ngangu nga ti kpe ambeni kpale nde.

• Jérémie 30:11; aHébreu 12:9-11

  A lingbi mo se amolenge ti mo me na ngonzo pëpe wala na ngangu pëpe.

“Amolenge, ala mä yanga ti ababâ na amama ti ala.” —aÉphésien 6:1

Amolenge, ngbanga ti nyen la a lingbi ala mä yanga ti ababâ na amama ti ala?

• A-Proverbe 23:22-25; aColossien 3:20

  Tongana mo mä yanga, a yeke zia ngia na bê ti Jéhovah nga na bê ti babâ na mama ti mo.

• 1 aCorinthien 15:33

  Gi akamarade so aye Jéhovah. Tongaso, a yeke duti ngangu na mo pëpe ti sara ye so ayeke nzoni.