“Lê ti lege so ague na fini ayeke kete nga yanga ti gbagba ni ayeke kete mingi, na azo mingi pëpe ayeke wara ni.” —Matthieu 7:14

E hinga tongana nyen so abungbi ti vorongo Nzapa kue la anzere na Nzapa ape?

• Matthieu 7:21-23

  Abungbi ti nzapa kue la anzere na Nzapa pëpe. Abungbi ti nzapa kue la ayeke sara ye so bê ti Nzapa aye pëpe.

• Matthieu 7:13, 14

  Tâ bungbi ti vorongo Nzapa ayeke gue na zo na fini ti lakue lakue. Bungbi ti nzapa ti wataka ague na zo na futingo.

• Matthieu 7:16, 17

  Mo lingbi ti hinga tâ bungbi ti vorongo na lege ti akusala ti lo. Mo bezoin ti hinga ye na ndö ti abungbi ti nzapa kue pëpe; manda gï ye so Bible afa.

• 1 aThessalonicien 2:13; 2 Timothée 3:16, 17

  Mä na bê gï na ye so ayeke na yâ ti Bible nga fa gï ni na azo.

• Matthieu 4:10; Jean 17:6

  Voro Jéhovah nga di iri ti lo.

• Jean 13:35

  Fa so mo ye tâ amba ti mo.

• Jean 3:36; Kusala 4:12

  Mä yanga ti Jésus. Nzapa atokua Jésus ti sö e.

• Jean 18:36; Kusala 5:29

  Yôro terê ti mo pëpe na yâ ti poroso.

• Matthieu 24:14; 6:10

  Fa na amba ti mo so gï Royaume ti Nzapa la ayeke leke akpale ti e.

Tongana mo ye ti tene vorongo so mo voro na Nzapa anzere na lo, nyen la a lingbi mo sara?

• Jacques 2:19

  Gï ti mä na bê na Nzapa alingbi pëpe. A lingbi mo sara ye so lo fa na yâ ti Bible.

• Ésaïe 52:11; Apocalypse 17:5

  Bungbi ti vorongo nzapa ti wataka, wala “Babylone, Ngangu gbata,” ayeke fa na azo ti voro Nzapa na mbeni lege so anzere na lo pëpe. Na yâ ti afango ye ti abungbi ti nzapa ti wataka mo yeke wara tënë ti Trinité, ti âme so ayeke kui pëpe nga na ti enfer.

• Apocalypse 18:4, 8

  Jéhovah aga nduru ti futi bungbi ti nzapa ti wataka kue awe. A lingbi mo ke aye kue so andu vorongo ti wataka.

• Marc 10:28-30

  Azo alingbi ti kanga lege na mo, me Jéhovah ayeke zia mo pëpe.