“Ala sigi na popo ti azo ni, ala duti nde, ala zia ti ndu sioni ye.”—2 aCorinthien 6:17

Ngbanga ti nyen la a yeke sioni ti voro ayanda nga na akotara?

• Exode 20:4, 5; 1 Jean 5:21

  Jéhovah aye pëpe ti tene e sara kua na ayanda na yâ ti vorongo ti e.

• Deutéronome 18:10-12

  Azo so ayeke sara lisoro na akuâ ayeke sara lisoro biani na asioni yingo.

“Ala ngbâ ti bâ yâ ti aye nzoni ti hinga ye so anzere biani na lê ti Seigneur.”—aÉphésien 5:10

Tongana nyen la mo lingbi ti mû desizion wala mo yeke sara pëpe mbeni matanga?

• Ézéchiel 44:23; 2 aCorinthien 6:14, 15

  Gi ti hinga wala matanga ni alondo na apaïen.

• Exode 32:2-10

  Même tongana azo so azia matanga ni na sese ayeke na nzoni bibe, peut-être matanga ni anzere na Nzapa pëpe.

• Daniel 3:1-27

  Kpe amatanga so agonda azo, agonda mbeni bungbi wala mbeni kodro.

• 1 Timothée 1:18, 19

  Sara kua na gbungo li ti mo, me ngbâ lakue ti duti na nzoni conscience na devant ti Jéhovah.

“Zia lakue tënë ti yanga ti ala aduti nzoni, ala zia ingo dä, si ala hinga tongana nyen la a lingbi ala kiri tënë na zo oko oko.”—aColossien 4:6

Tongana nyen la mo lingbi ti fa tënë ti mabe ti mo na amba ti mo?

• Matthieu 7:12

  Bâ na nene ni ye so amba ti mo aye gï tongana ti so mo ye ala sara na mo.

• 2 Timothée 2:24

  Sara ye lakue na nzoni bê, nga papa na azo pëpe na ndö ti atënë ti mabe ti mo.

• 1 Pierre 3:15

  Sara ye na ngangu pëpe nga na nengo zo na ngoi so mo yeke gbu koko ti mabe ti mo.

• A-Hébreu 10:24, 25

  Na ngoi ti abungbi, amba ti mo ayeke kpengba mo nga ala yeke mû maboko na mo ti hinga ye so mo lingbi ti sara na ngoi so azo ahunda mo na ndö ti tënë ti mabe ti mo.