“Nzapa andoye tâ azo ti dunia so mingi si lo mû gï oko Molenge ti lo si zo kue so amä na bê na lo, a lingbi ti futi lo pëpe, me lo yeke na fini ti lakue lakue.”—Jean 3:16

Nzapa afa tongana nyen so lo ye mo?

• Psaume 91:2

  Jéhovah ayeke ndo ti batango terê ti e. Laso lo yeke dë bê ti e na yâ ti akpale.

• Psaume 37:29

  Lo mû na e pendere beku ti kekereke.

• 1 Timothée 6:12, 19

  Nzapa ayeke mû na e fini ti lakue lakue na ndo so ayeke nzoni-kue. E yeke duti ande na siriri, na ngia nga na nzoni seni na yâ ti pendere paradis.

“Mo ndoye Jéhovah Nzapa ti mo na bê ti mo kue, na âme ti mo kue nga na bibe ti mo kue.”—Matthieu 22:37

Ndoye ti Nzapa apusu mo ti sara nyen?

• Luc 17:12-17

  Kiri singila na Nzapa ndali ti aye kue so lo sara na mo.

• Matthieu 7:16-20

  Fa so mo ye Nzapa na sarango ye so lo ye lâ na lâ.

• 1 Jean 5:3

  Bata acommandement ti Nzapa.

• 1 Timothée 6:18

  Sara ngangu ti sara nzoni na amba ti mo.

“Ngbâ na yâ ti ndoye ti Nzapa”—Jude 21

Nyen la ayeke mû maboko na mo ti ngbâ nduru na Jéhovah?

• 1 aThessalonicien 5:17

  Sambela lakue.

• Matthieu 28:19, 20; 2 Timothée 4:2

  Sara kue ti fa tënë ti Royaume ti Nzapa na azo.

• A-Proverbe 2:1-5

  Ngbâ ti manda ye na ndö ti Jéhovah.

• A-Hébreu 10:24, 25

  Gue na abungbi lakue. Aita ti mo ti bungbi ayeke mû maboko na mo ti ga nduru mingi na Jéhovah.