“Molenge ti zo aga . . . ti mû fini ti lo tongana ye so a futa ti zi azo mingi.”—Matthieu 20:28

Ngbanga ti nyen la e yeke na bezoin ti ye so a futa ti zi azo?

• Genèse 3:17-19

  Na ngoi so Adam ake yanga ti Nzapa, lo girisa songo so ayeke nde so lo na Jéhovah ayeke na ni, fini ti lo so ayeke mbilimbili-kue nga ndo ti lo na yâ ti Paradis.

• A-Romain 5:12

  Ndali ti ye so Adam asara lani, e wara siokpari na kuâ.

• A-Éphésien 1:7

  Ye so a futa ti zi azo ayeke lege so Jéhovah ayeke zi azo na gbe ti siokpari na kuâ.

“Nzapa atokua lani oko Molenge ti lo na dunia so si e lingbi ti wara fini na lege ti lo.”—1 Jean 4:9

Tongana nyen la Jéhovah amû ye so a futa ti zi azo?

• Psaume 49:7, 8

  Zo oko na popo ti e alingbi pëpe ti futa mbeni ye na Nzapa ndali ti fini so ayeke mbilimbili-kue so Adam agirisa ni lani.

• Luc 1:35

  Jéhovah atokua Molenge ti lo so lo ye lo mingi na sese ti tene a dü lo tongana zo so ayeke mbilimbili-kue.

• A-Romain 3:23, 24; aHébreu 9:24

  Na peko ti so a zingo Jésus na kuâ, lo kiri na yayu; kâ lo mû na Jéhovah droit ti lo ti ngbâ na ndö ti sese tongana zo ti mitele so ayeke mbilimbili-kue tongana ye so a futa ti zi azo.

“Lo yeke mbô ande ngu ti lê kue na lê ti ala, kuâ ayeke duti ande dä mbeni pëpe.”—Apocalypse 21:4

Tongana nyen la e lingbi ti wara ye ti nzoni na yâ ti ye so a futa ti zi azo?

• 1 Jean 1:8, 9

  A lingbi ti pardonné asiokpari ti e.

• A-Hébreu 9:13, 14

  E lingbi ti duti na nzoni conscience na gbele Nzapa.

• A-Romain 6:23

  E yeke na beku ti fini ti lakue lakue.

• A-Galate 2:20

  Ye so a futa ti zi azo, so ayeke mbeni cadeau, afa so Jéhovah na Jésus aye e mingi.

‘Nzapa amû gï oko Molenge ti lo si zo kue so amä na bê na lo ayeke na fini ti lakue lakue.’—Jean 3:16

Tongana nyen la e lingbi ti fa so e kiri singila na Nzapa ndali ti ye so a futa ti zi azo, so ayeke mbeni cadeau?

• Jean 17:3

  Gi ti hinga Jéhovah na Jésus nga sara ye tongana ala.

• Luc 22:19

  Ngu oko oko, gue na Dango bê na kuâ ti Christ.

• Jean 3:36; Jacques 2:26

  Sara ambeni ye ti fa so mo mä na bê na Jésus ahon ti tene ni gï na yanga. Sara ye so Jésus afa na e ti sara.