“Kuâ so ayeke ndangba wato ni, a yeke futi lo ande biaku biaku.”—1 aCorinthien 15:26

Tongana nyen la Bible ayeke mû na e tâ dengo bê na ngoi so mbeni zo akui?

• 2 aCorinthien 1:3, 4

  Tongana mbeni fami ti e wala mbeni kamarade ti e so e ye lo mingi akui, e lingbi ti bâ so mbeni ye ti sarango ni ayeke dä ape. Bible amû na e tâ dengo bê.

• Ésaïe 25:8; 26:19

  Jéhovah ayeke na ngangu ti zi kuâ biaku biaku. Lo yeke kiri même na fini azo so akui awe.

“Maseka-wali, mbi tene na mo, londo!”—Marc 5:41

Ngbanga ti nyen la e lingbi ti mä na bê na zingongo ti akuâ?

• Jean 11:1-44

  Jésus azingo lani Lazare na kuâ.

• Marc 5:22-24, 35-42

  Jésus azingo lani mbeni maseka-wali na kuâ.

• Jean 11:41, 42

  Jésus azingo akuâ na ngangu so Jéhovah amû na lo.

• Jean 12:9-11

  Na ngoi so Jésus azingo akuâ, azo mingi abâ ni. Même awato ti Jésus ahinga lani so lo lingbi ti sara ni.

“Mo yeke iri ndo, na mbi yeke yeda. Mo yeke ku kungo ti bâ kusala ti maboko ti mo.”—Job 14:13-15

Azo wa la a yeke zingo ala ande na kuâ?

• Jean 5:28, 29

  Azo kue so Jéhovah adabe ti lo na ala ayeke kiri ande na fini.

• Kusala 24:15

  A yeke zingo ande azo ti mbilimbili nga na azo so ayeke mbilimbili pëpe.

• Ésaïe 40:26

  Jéhovah alingbi ti dabe ti lo na iri ti atongoro oko oko kue, tongaso a yeke ngangu na lo oko pëpe ti dabe ti lo na aye kue so andu azo so lo yeke kiri ande na ala na fini.

“Mbi yeke gue ti leke ndo ndali ti ala.”—Jean 14:2

Azo wa la a yeke zingo ala na kuâ ti wara fini na yayu?

• 1 Pierre 3:18

  Jésus ayeke kozo zo so a zingo lo na kuâ ti wara fini na yayu.

• Luc 12:32

  Jésus atene lani so gï mbeni kete wungo ti adisciple ti lo la a yeke zingo ala na kuâ ti wara fini na yayu.

• Apocalypse 14:1

  Jéhovah asoro azo 144 000 ti wara fini na yayu.