YE TI MANDA 02
Bible amû beku na zo
Na yâ ti dunia kue, azo ayeke na akpale so asara si ala yeke na vundu, ala yeke gi bê ti ala nga ala yeke bâ pasi. Eskê mbeni ye asi na mo awe so asara mo tongaso? Peut-être mo yeke bâ pasi ndali ti mbeni kobela wala ndali ti so mbeni zo so mo ye lo akui. Peut-être mo yeke hunda terê ti mo: ‘Eskê mbeni nzoni gigi apeut ti duti dä mbeni lâ?’ Kiringo tënë ti Bible na hunda so adë bê ti zo.
1. Beku wa la Bible amû na e na ndö ti kekereke?
Bible afa ndani so e yeke na gbâ ti akpale. A fa nga na e mbeni nzoni tënë: fafadeso Nzapa ayeke zi akpale kue. Azendo ti Bible alingbi ti sara si mo wara “mbeni nzoni gigi ti kekereke nga na beku.” (Diko Jérémie 29:11, 12.) Azendo so amû maboko na e ti gbu ngangu na yâ ti akpale ti e laso, ti duti na nzoni bango ndo nga ti duti ande lakue lakue na ngia.
2. Bible afa so kekereke ti e ayeke duti tongana nyen?
Bible atene so, na yâ ti ngoi so ayeke ga, “kuâ ayeke duti ande dä mbeni pëpe; mua, wala toto, wala pasi ayeke duti dä mbeni pëpe.” (Diko Apocalypse 21:4.) Akpale so laso ayeke sara si azo abâ pasi, na tapande yere, sarango ye na zo na lege ni ape, kobela nga na kuâ, ayeke duti dä ape. Bible amû zendo so azo alingbi ande ti duti na fini lakue lakue na yâ ti Paradis na ndö ti sese.
3. Tongana nyen la mo lingbi ti sara confiance na azendo ti Bible?
Azo mingi aye ti tene anzoni ye asi, me ala yeke sûr ape so aye ni ayeke si. Me aye so Bible amû zendo ni ayeke si ti lo. E lingbi ti sara confiance na ye so Bible atene tongana e “gi nda ti Mbeti ti Nzapa nzoni”. (Kusala 17:11). Na ngoi so mo yeke manda Bible, mo wani mo yeke hinga wala mo lingbi ti mä na bê na ye so Bible atene na ndö ti kekereke.
GI TI HINGA AYE MINGI
Bâ ambeni ye so Bible atene ayeke si kekereke. Bâ tongana nyen la beku so ayeke na yâ ti Bible ayeke mû maboko na azo laso.
4. Bible amû na e beku ti ngbâ na fini lakue lakue sân ti bâ pasi
Bâ molongo ti azendo so ayeke na yâ ti Bible. Ati so wa la mo ye mingi? Ngbanga ti nyen?
Diko aversê so a fa na terê ti azendo so, na pekoni kiri tënë na ahunda so:
-
Mo bâ so aversê so amû na mo beku? Mo pensé so azo ti sewa ti mo nga na akamarade ti mo alingbi nga ti wara ye ti nzoni tongana ala hinga aversê so?
Imaginé so mo yeke na yâ ti mbeni dunia so
|
AYE SO AYEKE SI NA ZO OKO APE . . . |
AZO KUE . . . |
|---|---|
|
|
|
|
|
|
|
|
|
|
5. Beku so Bible amû alingbi ti sara si gigi ti zo aga nzoni mingi
Azo mingi adécouragé wala ngonzo asara ala même ndali ti akpale so ala yeke bâ na ndo so ala yeke dä. Ambeni ayeke sara ngangu ti tene aye achangé aga nzoni. Bâ tongana nyen la zendo ti Bible so atene aye ayeke ga nzoni amû maboko na azo laso. Zia VIDÉO ni, na pekoni kiri tënë na ahunda so:
-
Na yâ ti vidéo ni, nyen la a sara na azo na lege ni ape so ason bê ti Rafika?
-
Atâa so a ngbâ lani ti sara ye ni so na azo, tongana nyen la Bible amû maboko na lo?
Tongana e découragé, beku so Bible amû na ndö ti kekereke alingbi ti mû maboko na e ti hon ndö ni nga ti ngbâ ti duti na ngia atâa so e yeke na akpale. Diko aProverbe 17:22 nga aRomain 12:12, na pekoni kiri tënë na ahunda so:
-
Mo pensé so tënë ti beku so ayeke na yâ ti Bible alingbi ti sara si gigi ti mo aga nzoni mingi laso? Ngbanga ti nyen?
AMBENI ZO ATENE: “Azendo ti Bible na ndö ti kekereke akpa tënë ti bango li.”
-
Ngbanga ti nyen la a yeke kota ye ti tene mo wani mo gi ti hinga ye na ndö ni?
NA NDURU TËNË
A yeke wara na yâ ti Bible azendo mingi na ndö ti mbeni nzoni gigi ti kekereke. Azendo so amû na e beku na asara si gigi ti e aga nzoni mingi laso.
Dango bê
-
Ngbanga ti nyen la azo abezoin ti hinga azendo so Nzapa amû?
-
Bible atënë nyen na ndö ti kekereke?
-
Tongana nyen la beku ti kekereke alingbi ti mû maboko na mo laso?
GI NDA TI YE
Bâ tongana nyen la beku alingbi ti mû maboko na mo na angoi ti kpale.
“Beku: Zo ayeke wara ni na ndo wa?” (Zingo na lango! ti lango 22 ti avril 2004)
Bâ tongana nyen la beku ti kekereke alingbi ti mû maboko na azo so ayeke na mbeni ngangu kobela.
“Eskê Bible apeut ti aidé mo tongana mo yeke na mbeni ngangu kobela?” (Article na ndö ti site)
Na ngoi so mo yeke bâ vidéo ti bia so, imaginé so mo na azo ti sewa ti mo ayeke na ngia na yâ ti Paradis so Bible amû zendo ni.
Diko article so, so afa tongana nyen la gigi ti mbeni zo so asara kue ti changé dunia achangé na ngoi so lo hinga ye so Bible afa na ndö ti kekereke.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
