YE TI MANDA 21
A yeke fa nzoni tënë laso tongana nyen?
Fafadeso, Jéhovah ayeke hunzi akpale ti e kue na lege ti Royaume ti lo. Tënë so ayeke pendere mingi na a lingbi azo kue amä ni. Jésus aye lani ti tene adisciple ti lo afa tënë so na azo kue (Matthieu 28:19, 20). A-Témoin ti Jéhovah asara ye alingbi na commandement ti Jésus so tongana nyen?
1. Tongana nyen la Matthieu 24:14 ayeke ga tâ tënë laso?
Jésus atene lani, atene: “A yeke fa ande nzoni tënë ti Royaume na ndö ti sese kue so azo ayeke dä”. (Matthieu 24:14). A-Témoin ti Jéhovah ayeke na ngia ti sara kota kua so. E yeke fa nzoni tënë na yâ ti dunia kue na ayanga ti kodro ahon saki oko. Kota kua so ahunda ti tene a sara effort mingi nga a leke yâ ni nzoni. A peut ti sara ni sân mungo maboko ti Jéhovah ape.
2. A-effort wa la e yeke sara ti fa tënë na azo?
E yeke fa tënë na ndo kue so e lingbi ti wara azo dä. Tongana ti akozo Chrétien, e yeke fa tënë “da na da”. (Kusala 5:42). Fango tënë da na da amû lege na e ti fa tënë na azo kutu mingi ngu oko oko. So azo ayeke lakue na yanga-da ape, e yeke fa nga tënë na ando so azo ayeke gue ka dä mingi. Lakue, e yeke gi alege kue ti fa ye na azo na ndö ti Jéhovah nga na aye so lo leke na bê ti lo ti sara.
3. Azo wa la kua ti ala ayeke ti fa nzoni tënë?
Fango nzoni tënë na azo ayeke kua ti atâ Chrétien kue. E bâ kua ti e so na nene ni mingi. E yeke fa tënë alingbi na ngangu ti e ndali ti so e hinga so ayeke sö fini ti azo. (Diko 1 Timothée 4:16.) A futa e ndali ti kua so ape, ndali ti so Bible atene: “Ala wara ye senge senge, ala mû ni na azo senge senge.” (Matthieu 10:7, 8). A yeke azo kue la ayeke mä e ape. Me e yeke ngbâ ti fa tënë ndali ti so a yeke mbage ti vorongo ti e nga a zia ngia na bê ti Jéhovah.
GI TI HINGA AYE MINGI
Gi ti hinga a-effort so aTémoin ti Jéhovah ayeke sara ti fa tënë na yâ ti dunia kue nga bâ tongana nyen la Jéhovah a-aidé e.
Fango tënë na yâ ti dunia kue: (A) Costa Rica, (B) États-Unis, (C) Bénin, (D) Thaïlande, (E) Yap, (F) Suède
4. E yeke sara ngangu ti fa tënë na azo kue
A-Témoin ti Jéhovah asara ngangu mingi ti fa nzoni tënë na azo na ndo kue. Zia VIDÉO ni, na pekoni kiri tënë na ahunda so:
-
Nyen la apika bê ti mo na yâ ti a-effort so aTémoin ti Jéhovah ayeke sara ti fa tënë?
Diko Matthieu 22:39 nga na aRomain 10:13-15, na pekoni kiri tënë na ahunda so:
-
Tongana nyen la kua ti e ti fango tënë afa so e ndoye amba ti e?
-
Jéhovah apensé nyen na ndö ti azo so ayeke fa nzoni tënë?—Bâ versê 15.
5. E na Nzapa e sara kua oko
Aye mingi so asi afa so Jéhovah ayeke fa lege na kua ti e so. Na tapande, na Nouvelle-Zélande, mbeni ita-koli, so iri ti lo ayeke Paul, awara mbeni wali na ngoi so lo yeke fa tënë da na da na peko ti midi. Na ndapre ni, wali ni asambela Nzapa, lo di iri ti lo Jéhovah, na lo hunda ti tene lo sara si mbeni zo aga abâ lo. Paul atene: “Ngbonga ota na pekoni, mbi si na yanga-da ti lo.”
Diko 1 aCorinthien 3:9, na pekoni kiri tënë na hunda so:
-
Tongana nyen la aye so ayeke si, na tapande ti so a si na Nouvelle-Zélande, afa so Jéhovah ayeke fa lege na kua ti fango tënë?
Diko Kusala 1:8, na pekoni kiri tënë na hunda so:
-
Ngbanga ti nyen la e bezoin mungo maboko ti Jéhovah ti sara kua ti e ti fango tënë?
Mo hinga?
Yenga oko oko na bungbi ti e ti milieu ti yenga, a yeke fa na e tongana nyen ti fa tënë. Tongana mo ga na mbeni bungbi so awe, mo bâ afango ye ni tongana nyen?
6. E yeke sara ye alingbi na yanga so Nzapa amû na e ti fa tënë
Na ngoi ti akozo Chrétien, awato agi ti kanga lege na adisciple ti Jésus ti fa tënë. Akozo Chrétien agbu lani koko ti droit so ala yeke na ni ti fa tënë na lege so ala sara si ‘gere ti nzoni tënë aluti ngangu na lege ti ndia.’ (aPhilippien 1:7). A-Témoin ti Jéhovah ayeke sara nga tongaso laso. a
Diko Kusala 5:27-42, na pekoni kiri tënë na hunda so:
MBENI ZO APEUT TI HUNDA MO ATENE: “Ngbanga ti nyen la aTémoin ti Jéhovah ayeke fa tënë da na da?”
-
Mo yeke tene nyen na lo?
NA NDURU TËNË
Jésus ahunda na adisciple ti lo ti fa nzoni tënë na amara kue. Jéhovah ayeke mû maboko na azo ti lo ti sara kua so.
Dango bê
-
A yeke fa nzoni tënë laso na yâ ti dunia kue tongana nyen?
-
Tongana nyen la kua ti e ti fango tënë afa so e ndoye amba ti e?
-
Mo pensé so kua ti fango tënë apeut ti sara si e duti na ngia? Ngbanga ti nyen?
GI NDA TI YE
Bâ tongana nyen la aTémoin ti Jéhovah ayeke fa tënë na yâ ti akota gbata.
Kapa ti fango tënë so ayeke nde na ando so azo ayeke dä mingi na Paris (5:11)
Nyen la aTémoin ti Jéhovah asara ti mû maboko na aréfugié?
Mä mbeni zo so ayeke fa ndani so lo yeke na ngia so lo mû fini ti lo kue ti fa tënë ti Nzapa.
Gi ti hinga ye na ndö ti akota desizion so ada-ngbanga amû so asara si a yeke ngangu ape ti fa nzoni tënë.
a Nzapa la amû yanga na e ti fa tënë. Tongaso, aTémoin ti Jéhovah abezoin pëpe ti tene akota zo ti kodro ayeda awe si ala fa nzoni tënë.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
