Jéhovah aye ti tene e duti na ngia nga même ti sara matanga na ambeni ngoi. Me eskê amatanga kue la anzere na lo? Tongana nyen la e peut ti fa so e ye Jéhovah na ndö ti tënë so?

1. Ngbanga ti nyen la amatanga mingi anzere na Jéhovah ape?

Peut-être li ti mo ayeke kpe ti hinga so amatanga mingi ague nde na afango ye ti Bible wala alondo na apaïen. Peut-être mara ti amatanga so ague oko na afango ye ti abungbi ti vorongo nzapa ti wataka. Peut-être a gue oko na sarango yorö wala tënë ti âme so ayeke kui ape la ayeke na gunda ni. Ambeni matanga wala aye so azo ayeke sara na ambeni ndo alondo na tënë ti akotara so ayeke tâ tënë ape wala na fango ye ti wataka so atene tongana zo asara ye alingbi na mbeni ngobo ape, sioni ayeke si na lo (Ésaïe 65:11). Jéhovah awa azo ti lo, atene: “Ala duti nde, ala zia ti ndu sioni ye.”​—2 aCorinthien 6:17. a

2. Jéhovah apensé nyen na ndö ti amatanga so amû gonda mingi na azo?

Jéhovah awa e ti ‘zia bê ti e na senge senge zo ti sese’ ape. (Diko Jérémie 17:5.) Ambeni matanga amû gonda na akota zo ti kodro wala na aturugu. Ambeni amû gonda na aye tongana drapeau wala a yeke matanga ti indépendance (1 Jean 5:21). Na ngoi ti ambeni matanga ni, azo ayeke mû gonda na abungbi ti poroso wala abungbi so a sigi na ni ti aidé azo. Jéhovah ayeke pensé nyen tongana e gonda mingi mbeni zo wala mbeni bungbi, mbilimbili mbeni zo wala mbeni bungbi so amaï apensé so ague nde na ye so Lo leke na bê ti lo ti sara?

3. Asarango ye wa la apeut ti sara si amatanga aga sioni?

Bible ake “nyongo sämba ahon ndö ni, apumba ti kirikiri, [nga na] nyongo sämba butuma”. (1 Pierre 4:3). Na ngoi ti ambeni matanga, azo ayeke kanga nzara ti bê ti ala ape nga ala yeke sara asioni ye. Ti ngbâ akamarade ti Jéhovah, a lingbi e ngbâ ayo na asioni sarango ye tongaso.

 GI TI HINGA AYE MINGI

 5. Sara si azo ane aye so mo mä na bê na ni

6. Jéhovah aye ti tene e duti na ngia

Jéhovah aye ti tene e passé anzoni ngoi na azo ti sewa ti e nga na akamarade ti e. Diko Zo-ti-fa-tene 8:15, na pekoni kiri tënë na hunda so:

• Tongana nyen la versê so afa so Jéhovah aye ti tene e duti na ngia?

Jéhovah aye ti tene azo ti lo asara ngia nga ala passé anzoni ngoi na amba ti ala. Zia VIDÉO ni ti bâ tongana nyen la awakua ti Jéhovah asara ngia na ngoi ti a-assemblée internationale.

Diko aGalate 6:10, na pekoni kiri tënë na ahunda so:

• Eskê e bezoin ti sara amatanga so azo mingi ayeke sara si e sara “ye ti nzoni” na azo?

• Nyen la ayeke sara si mo yeke na ngia mingi: Tongana a pusu mo ti mû ye na zo ndali ti mbeni matanga wala tongana mo mû ye na zo ndali ti so mo la mo ye ti mû ni?

• Na ambeni ngoi, aTémoin mingi aleke ambeni ye so ayeke nde ndali ti amolenge ti ala nga ala mû même na ala acadeau so ala ku terê ti ala na ni ape. Tongana mo yeke na amolenge, ambeni ye wa la so ayeke nde mo peut ti leke ndali ti ala?

 NA NDURU TËNË

Jéhovah aye ti tene e passé anzoni ngoi na asewa nga na akamarade ti e. Me lo ye nga ti tene e sara ape amatanga so anzere na lo ape.

Dango bê

• Atënë wa la e peut ti hunda ti hinga wala mbeni matanga anzere na Jéhovah ape?

• Tongana nyen la e peut ti aidé asewa nga na akamarade ti e ti hinga desizion so e mû na ndö ti sarango amatanga ti dunia so?

• E hinga tongana nyen so Jéhovah aye ti tene e duti na ngia nga e sara ngia?