YE TI MANDA 53
Soro angia so anzere na Jéhovah
Jéhovah ayeke “Nzapa so ayeke na ngia”. (1 Timothée 1:11). Lo ye ti tene e duti na ngia nga gigi anzere na e. Tongana e mû mbeni ngoi ti wu terê ti e na peko ti kua nga ti sara ngia, a yeke nzere na lo. Na yâ ti ye ti manda so, e yeke bâ tongana nyen la e peut ti sara kua na angoi ni so na lege so anzere na e nga azia ngia na bê ti Jéhovah.
1. Na ngoi so e yeke soro angia ti e, nyen la a yeke nzoni e girisa ape?
Nyen la a nzere na mo ti sara na ngoi so mo yeke wu terê ti mo? A nzere na ambeni zo ti duti kpô na yanga-da ti diko mbeni mbeti, ti mä bia, ti bâ mbeni film wala ti gue na ndö ti Internet. Ti ambeni zo, a nzere na ala ti tene ala na akamarade ti ala asara mbeni ye, na tapande ti tambela ti bâ ndo, ti gue ti tï ngu wala ti sara mbeni jeu. Atâa ngia wa la e soro, a lingbi e duti sûr so ‘a nzere biani na lê ti Seigneur.’ (aÉphésien 5:10). A yeke kota ye ti hinga tongaso, ndali ti so na yâ ti angia mingi laso a yeke fa aye so Jéhovah ake, na tapande sarango ye ti ngangu na zo, lango-sioni wala sarango yorö. (Diko Psaume 11:5.) Nyen la ayeke aidé e ti soro angia ti e na lege ti ndara?
Tongana e soro akamarade so aye Jéhovah, ala peut ti sara si e soro anzoni ngia. Tongana ti so e bâ na yâ ti mbeni ye ti manda so ahon, “zo so atambela na azo ti ndara, lo yeke ga zo ti ndara”. Me tongana e sara kamarade na azo so aye pëpe aye so Nzapa ahunda na e ti sara, e “yeke wara sioni dä.”—aProverbe 13:20.
2. Ngbanga ti nyen la a yeke kota ye ti hinga ngoi oke la e yeke mû ti sara na ngia?
Atâa ngia so e soro ayeke nzoni ngia, a lingbi e sara hange si e mû ngoi mingi ndali ni ape. Tongana e mû ngoi mingi ndali ni, e yeke wara ngoi mingi ape ti sara aye so ayeke akota ye. Bible awa e ti ‘sara kusala nzoni na ngoi ti e’.—Diko aÉphésien 5:15, 16.
GI TI HINGA AYE MINGI
Gi ti hinga tongana nyen ti soro angia ti mo nzoni.
3. Kpe asioni ngia
Ngbanga ti nyen la a yeke nzoni e sara hange na angia so e yeke soro? Zia VIDÉO ni, na pekoni kiri tënë na ahunda so:
-
Tongana nyen la angia ti agladiateur ti ândö akpa terê na ambeni ngia ti ngoi ti e?
-
Na yâ ti vidéo ni, nyen la Danny amanda na ndö ti angia?
Diko aRomain 12:9, na pekoni kiri tënë na hunda so:
-
Versê so ayeke aidé mo tongana nyen ti soro nzoni ngia?
Ambeni ye wa la Jéhovah ake? Diko aProverbe 6:16, 17 nga na aGalate 5:19-21. Na peko ti so mo diko aversê so awe, kiri tënë na hunda so alingbi na versê oko oko:
-
Na popo ti aye so aversê so afa, ati so wa la ayeke mingi na yâ ti angia laso?
Ti soro angia ti mo na lege ti ndara
Hunda terê ti mo:
-
Eskê mbeni ye so Jéhovah ake ayeke na yâ ti ngia so mbi soro?
-
Eskê a sara si mbi yeke na ngoi ape ti sara aye so ayeke akota ye?
-
Eskê a yeke sara si mbi yeke wara terê lakue na azo so aye Jéhovah ape?
A yeke nzoni ti sara kue ti ngbâ ayo na ye so ayeke ga na kpale. A yeke ndani la a yeke nzoni e ngbâ ayo na ngia so e bâ so a peut ti duti nzoni ape ndali ti e
4. Sara kua nzoni na ngoi ti mo
Zia VIDÉO ni, na pekoni kiri tënë na hunda so:
-
Ita-koli so na yâ ti vidéo so abâ mbeni ye ti sioni ape, me kpale ti lo ayeke so wa?
Diko aPhilippien 1:10, na pekoni kiri tënë na hunda so:
-
Tongana nyen la versê so a-aidé e ti bâ ngoi oke la e yeke mû ti sara na ngia?
5. Soro anzoni ngia
Atâa so ambeni ngia anzere na Jéhovah ape, ambeni mingi ayeke dä so ayeke sioni na lê ti lo ape. Diko Zo-ti-fa-tene 8:15 nga na aPhilippien 4:8, na pekoni kiri tënë na hunda so:
-
Anzoni ngia wa la anzere na mo?
Anzoni ngia ayeke dä so apeut ti nzere na mo
AMBENI ZO ATENE: “A yeke sioni ape ti bâ angia so afa sarango ye ti ngangu na zo, lango-sioni wala sarango yorö ndali ti so mbi la mbi sara aye ni so ape.”
-
Mo yeke tene nyen na ala?
NA NDURU TËNË
Jéhovah aye ti tene e soro anzoni ngia so anzere na e.
Dango bê
-
Angia wa la a yeke nzoni aChrétien akpe ni?
-
Ngbanga ti nyen la a yeke nzoni e bâ ngoi oke la e yeke mû ti sara na angia?
-
Ngbanga ti nyen la mo ye ti soro angia so anzere na Jéhovah?
GI NDA TI YE
Bâ wala zo wa la adoit ti soro na mo angia so mo yeke sara.
Bâ tongana nyen la mo peut ti mû nzoni desizion na ndö ti angia so mo ye ti sara.
“Angia so mo soro aga na mo ye ti nzoni?” (Tour ti Ba Ndo ti lango 1 ti octobre 2011)
Na yâ ti article “Mbi zia même lege ti sioni bê,” bâ ndani so mbeni koli achangé angia so lo yeke sara.
“Bible achangé fini ti azo” (Tour ti Ba Ndo ti lango 1 ti mars 2010)
Bâ tongana nyen la mbeni mama amû nzoni desizion na ndö ti angia so andu asioni yingo.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
