YE TI MANDA 55
Mû maboko na congrégation ti mo
Na yâ ti dunia kue, azo kutu mingi ayeke sara na Jéhovah na ngia na yâ ti acongrégation saki mingi. Ala kiri singila ndali ti awango na afango lege so ala yeke wara nga ala yeke na nzara mingi ti mû maboko na congrégation na alege mingi. Eskê a yeke ye so mo pensé na ndö ti congrégation ti mo la?
1. Na ambeni lege wa la mo peut ti mû ngoi nga na ngangu ti mo ti mû maboko na congrégation?
E kue e peut ti mû maboko na congrégation. Na tapande, na yâ ti congrégation ti mo eskê ambakoro wala azo so ayeke na mbeni kpale ti seni ayeke dä? Eskê mo peut ti aidé ala ti gue na bungbi? Wala mo peut ti aidé ala ti sara ambeni ye, na tapande ti gue ti vo ye na ala wala ti aidé ala na akua ti da? (Diko Jacques 1:27.) E peut nga ti duti volontaire ti nettoyé Da ti Royaume ti e nga ti bâ lege ni. Zo oko agbu e na ngangu ape ti sara aye so. Yengo so e ye na Nzapa nga na aita ti e la apusu e ti “londo na bê ti [e] wani ti gue.”—Psaume 110:3.
A-Témoin so awara batême awe apeut ti mû maboko na congrégation na ambeni lege encore. Aita-koli so alingbi apeut ti ga awakua ti mungo maboko nga na ambeni ngoi ala peut ti ga a-ancien. Aita-koli na aita-wali apeut ti fa tënë mingi na lege so ala ga apionnier. Ambeni Témoin apeut ti aidé ti leke ada so e yeke voro Nzapa dä wala ti gue na mbeni ndo so a bezoin ti aidé mbeni congrégation na yâ ti ambeni ye.
2. Tongana nyen la e peut ti mû aye ti e ti aidé na congrégation?
E peut ti “gonda Jéhovah na anzoni ye ti [e]”. (aProverbe 3:9). E yeke na ngia ti mû nginza nga na ambeni ye ti e ti mû maboko na congrégation ti e nga na kua ti fango tënë na yâ ti dunia kue. (Diko 2 aCorinthien 9:7.) A-offrande so e mû ayeke mû nga maboko na aita na ngoi so akota kpale asi. Aita mingi asoro lakue ti ‘zi mbeni ye ti bata’ ti mû na offrande. (Diko 1 aCorinthien 16:2.) E peut ti zia offrande ti e na yâ ti boîte na ando so e yeke voro Nzapa dä wala e peut ti mû ni na lege ti Internet na donate.pr418.com. Jéhovah amû lege na e ti fa so e ye lo na lege ti fason so e soro ti sara kua na aye ti e.
GI TI HINGA AYE MINGI
Bâ ambeni lege so mo peut ti aidé na congrégation.
3. E peut ti mû aye ti e
Jéhovah na Jésus aye azo so ayeke na ngia ti mû ye. Na tapande, Jésus agonda lani mbeni wali-mua so ayeke wayere so asara effort ti mû ye. Diko Luc 21:1-4, na pekoni kiri tënë na ahunda so:
-
Eskê e bezoin ti mû gbâ ti ye si e nzere na lê ti Jéhovah?
-
Nyen la Jéhovah na Jésus apensé na ndö ti aye so e mû na bê ti e kue?
Ti hinga tongana nyen la a yeke sara kua na a-offrande so e mû, zia VIDÉO ni. Na pekoni kiri tënë na hunda so:
-
Tongana nyen la a yeke sara kua na a-offrande ti e ti mû maboko na acongrégation na yâ ti dunia kue?
4. E peut ti mû maboko na bê ti e wani
Ândö, awakua ti Jéhovah asara kua na bê ti ala kue ti bata ando so ala yeke voro Jéhovah dä. Me ye so andu gï mungo nginza ape. Diko 2 Chronique 34:9-11, na pekoni kiri tënë na hunda so:
-
Tongana nyen la zo ti Israël oko oko a-aidé lani ti bâ lege ti da ti Jéhovah wala ndo so a voro Lo dä?
Ti bâ tongana nyen la aTémoin ti Jéhovah amû tapande ti ala, zia VIDÉO ni. Na pekoni kiri tënë na hunda so:
-
Ngbanga ti nyen la a yeke kota ye ti bata Da ti Royaume ti e propre nga ti leke aye so abuba na terê ni?
-
Mo peut ti aidé na alege wa?
5. Aita-koli apeut ti gi ti sara akua mingi
Bible awa aita-koli ti sara ye kue so ala peut ti sara ti mû maboko na congrégation. Ti bâ mbeni tapande ni, zia VIDÉO ni. Na pekoni kiri tënë na hunda so:
-
Na yâ ti vidéo ni, tongana nyen la Ryan agi ti mû maboko mingi na congrégation?
Bible atene asarango ye wa la aita-koli adoit ti duti na ni si ala ga awakua ti mungo maboko wala a-ancien? Diko 1 Timothée 3:1-13, na pekoni kiri tënë na ahunda so:
MBENI ZO APEUT TI HUNDA MO ATENE: “A-Témoin ti Jéhovah awara nginza so ala yeke sara na akua ti ala na ndo wa?”
-
Mo yeke tene nyen na lo?
NA NDURU TËNË
Jéhovah abâ na nene ni mingi a-effort so e sara ti mû ngoi ti e, ngangu ti e nga na aye ti e ti aidé na congrégation.
Dango bê
-
Tongana nyen la e peut ti mû ngoi ti e nga na ngangu ti e ti mû maboko na congrégation?
-
Tongana nyen la e peut ti mû aye ti e ti mû maboko na congrégation?
-
Na alege wa la mo ye ti mû maboko na congrégation?
GI NDA TI YE
Gi ti hinga ndani so Nzapa ahunda encore ape na awakua ti lo ti mû dîme.
“Bible atene nyen na ndö ti mungo dîme?” (Article na ndö ti site)
Bible afa so aita-koli so awara batême awe la ayeke sara ambeni kua. Me ka tongana a si so mbeni ita-wali so awara batême awe la adoit ti sara akua ni so?
Komandema so a-ancien ayeke na ni na yâ ti congrégation (Tour ti Ba Ndo ti février 2021)
Bâ ambeni Témoin so asara ye na mbeto ape so asara akota sacrifice ti gue na ambeti na amba ti ala.
Gi ti hinga tongana nyen la fason so e yeke wara na nginza ti sara na akua ti e ayeke tâ nde mingi na ti tanga ti abungbi ti vorongo nzapa.
Bâ nga
ATËNË SO AZO AYEKE HUNDA KA
A-Témoin ti Jéhovah ayeke manda Bible na azo tongana nyen?
Mo peut ti sara kua na traduction ti Bible so mo ye na temps so a-Témoin ti Jéhovah ayeke manda Bible na mo senge senge. Mo peut ti tisa afami ti mo kue wala ambeni kamarade ti mo.
