“Nzapa [ayeke] mbô ande ngu ti lê kue na lê ti ala, kuâ ayeke duti ande dä mbeni pëpe; mua, wala toto, wala pasi ayeke duti dä mbeni pëpe. Angbene ye ni ahon ti ala awe.”—Apocalypse 21:3, 4, Mbeti ti Nzapa ti fini dunia.

Mo yeke sara kua so ayeke mû ngia na bê ti mo.—Ésaïe 65:21-23.

Mo yeke tï kobela wala mo yeke bâ pasi encore ape.—Ésaïe 25:8; 33:24.

Mo yeke duti na ngia kpu na kpu na terê ti sewa ti mo nga na akamarade ti mo.—Psaume 37:11, 29.

En, ndali ti ambeni raison use tongaso:

• Nzapa ayeke sara ye alingbi na peko ti yanga ti lo. Bible atene so Jéhovah Nzapa lo oko la ayeke Nzapa “ti ngangu ahon kue,” teti so ngangu ti lo ayeke kota mingi (Apocalypse 15:3). Tënë so lo tene, so ni yeke changé dunia ni ti ga tâ nzoni, lo yeke sara ni biani. Senge ape, Bible atene: “Nzapa alingbi ti sara ye kue.”—Matthieu 19:26.

• Lo yeke na nzara ti sara ye alingbi na tënë ti yanga ti lo. Na tapande, Jéhovah ayeke ku kungo ti kiri ti mû fini na azo so akui awe.—Job 14:14, 15.

  Bible afa nga so Jésus, Molenge ti Nzapa, akaï kobela ti azo. Lo sara tongaso ngbanga ti nyen? Ngbanga ti so bê ti lo aye tongaso (Marc 1:40, 41). Jésus asara ye tâ gï tongana ti Babâ ti lo, lo yeke na nzara ti mû maboko na azo so ayeke na yâ ti kpale.—Jean 14:9.

  Ye so afa na e biani so Jéhovah na Jésus aye ti mû maboko na e ti tene gigi ti e ti kekereke aduti nzoni.—Psaume 72:12-14; 145:16; 2 Pierre 3:9.