• “Nzapa [ayeke] mbô ande ngu ti lê kue na lê ti ala, kuâ ayeke duti ande dä mbeni pëpe; mua, wala toto, wala pasi ayeke duti dä mbeni pëpe.”​—Apocalypse 21:3, 4, Mbeti ti Nzapa ti fini dunia.

Mo yeke hinga biani so Nzapa la ayeke na gunda ti akpale ti e ape.​—Jacques 1:13.

Bê ti mo ayeke dë ti hinga so Nzapa ahinga pasi ti e na mawa ti e asara lo.​—Zacharie 2:8.

Mo yeke duti na beku so apasi kue ayeke hunzi ande.​—Psaume 37:9-11.

En, ndali ti ambeni raison use tongaso:

• Pasi nga na sarango ye ti kirikiri ayeke aye so Nzapa aye oko ape. Lani tongana “azo . . . asara ngangu” na amolenge ti Israël si ala bâ pasi mingi, Bible atene so vundu asara Jéhovah Nzapa.​—aJuge 2:18, La Sainte Bible en sango.

  Azo so ayeke sara sioni na amba ti ala, bê ti Nzapa ake ala. Na tapande, Bible atene so “maboko so asa mênë ti azo ti mbilimbili” ayeke tâ sioni na lê ti lo.​—aProverbe 6:16, 17.

• Tënë ti e oko oko kue agbu bê ti Nzapa. Gï zo oko oko si “ahinga kä so ayeke na bê ti lo nga na ye so ason lo” ape, Jéhovah nga kue ahinga ni.—2 Chronique 6:29, 30.

  Na lege ti Royaume ti lo, Jéhovah aga nduru ti hunzi pasi ti azo oko oko kue (Matthieu 6:9, 10). Me ti fadeso, lo yeke dë bê ti azo so ayeke gi lo na bê ti ala oko.​—Kusala 17:27; 2 aCorinthien 1:3, 4.