Na ngu 2022, e yeke mä mingi asango na ndö ti tënë ti bira, kpale ti nginza, ngu so asuku amû ndo wala yengingo ti sese. A yeke gï Bible la apeut ti fa nda ti akpale so.

Nda ti akpale so asi na ngu 2022

 Akpale so asi na yâ ti ngu so ahon afa polele so e yeke vivre na yâ ti mbeni ngoi so Bible airi ni “lâ ti nda ni”. (2 Timothée 3:1). Ngoi ni so akomanse lani na ngu 1914. Bâ tongana nyen la aye so asi ade ti ninga ape ague oko na ye so Bible afa kozo awe so ayeke si na ngoi ti e:

 ‘Abira.’—Matthieu 24:6.

•   “Ngu 2022 ayeke mbeni ngu so Europe akiri avivre angangu kpale so asi na peko ti bira.” a

 ‘Kota nzara.’—Matthieu 24:7.

•   “Ngu 2022 ayeke mbeni ngu so nzara ahon ndö ni.” b

 ‘Asioni kobela so amû ndo.’—Luc 21:11.

•   “Kobela ti polio akiri amû ndo, variole du singe ague na li ni mingi nga COVID-19 angbâ ti fâ azo. Ye so afa polele so akobela so ayeke contaminé azo ayeke sioni mingi nga a yeke na ngangu ti mû ndo hio.” c

 ‘Aye so amû mbeto na zo.’—Luc 21:11.

•   “Ngangu chauffengo ndo, aburu, awâ so agbi agbako nga na angu so asuku amû ndo. Ngu 2022 ayeke mbeni ngu so ndo achauffé ngangu na asara si abuba aye, azo saki mingi akui nga azo kutu mingi na yâ ti dunia aperdre ada ti ala.” d

 ‘Aye ti wusuwusu [wala ‘azo alondo na terê ti amba ti ala, kete tënë na gbe ni].’—Luc 21:9.

•   “So bê ti azo ason mingi ndali ti kpale ti nginza, mbilimbili ndali ti so ngere ti aye ague na li ni mingi asara si mara ti grève so azo asara contre agouvernement na ngu 2022 ade azo abâ ni lâ oko ape.” e

Ka nyen la ayeke passé na ngu 2023?

 Zo oko na popo ti e ahinga ape mbilimbili ye so ayeke passé na ngu 2023. Ye so e hinga ayeke so fafadeso, Royaume ti Nzapa, so ayeke mbeni gouvernement so ayeke na yayu, ayeke ga ande ti sara akota changement na ndö ti sese (Daniel 2:44). Gouvernement ni so ayeke zi ande aye kue so asara si azo ayeke bâ pasi nga ayeke sara ye so bê ti Nzapa aye na ndö ti sese.—Matthieu 6:9, 10.

 E encouragé ala ti sara ye alingbi na wango ti Jésus Christ nga “ala lango pëpe” ti bâ tongana nyen la aye so ayeke si na yâ ti dunia afa so aprophétie ti Bible ayeke ga tâ tënë (Marc 13:37). Bible apeut ti aidé mo laso nga apeut ti mû na mo nga na asewa ti mo tâ beku ndali ti pendere gigi ti kekereke. Ti hinga ye mingi na ndö ni, gi ti contacté e tongana mo ye.