Tongana ti so Bendo ti gigi so abâ tënë ti seni (OMS) afa, ti si na lango 23 ti mai 2022, azo so akui na COVID-19 ahon kutu 6. Ye oko, ti gue oko na mbeni sango ti lango 5 ti mai 2022, OMS atene so wungo ti azo so akui na kobela ni ayeke mingi. A tene so ti londo na ngu 2020 ti si na ngu 2021, “wungo ti azo kue so akui na COVID-19 wala ala so mbeni kobela abungbi na COVID-19 si afâ ala . . . ayeke lani nduru na kutu 15.” Eskê Bible asara tënë na ndö ti mara ti aye ti ngangu tongaso awe?

•    Jésus atene kozo awe so asioni kobela ayeke mû ndo, wala “kobela ti futi kodro” ayeke duti ande dä na ngoi so a iri ni “lâ ti nda ni.”—Luc 21:11, La Sainte Bible en Sango; 2 Timothée 3:1.

 Prophétie so Jésus atene lani aga tâ tënë laso. Ti hinga ye mingi na ndö ni, diko article “Quel est le signe des ‘ derniers jours ’, ou ‘ temps de la fin ’ ?”

•    “Nzapa ti dengo bê kue . . . adë bê ti e na yâ ti atara kue so e wara.”—2 aCorinthien 1:3, 4.

 Mingi ti azo so aperdre mbeni zo so ala ye lo awara dengo bê na lege ti Bible. Ti hinga tënë mingi na ndö ni, bâ a-article “Tongana nyen ti hon ndö ti vundu: Aye so mo peut ti sara” nga “Nzoni ye so apeut ti aidé azo so mbeni zo ti ala akui.”

•    “Zia Royaume ti mo aga. Zia a sara ye so bê ti mo aye, na yayu legeoko nga na ndö ti sese.”—Matthieu 6:10.

 Fafadeso, “Royaume ti Nzapa” ayeke sara ande kue ti tene “zo ti kodro ni ayeke tene ande pëpe: ‘Terê ti mbi ason.’” (Marc 1:14, 15; Ésaïe 33:24). Bâ vidéo Royaume ti Nzapa ayeke nyen? ti hinga ye na ndö ti gouvernement ni so ayeke na yayu nga ye so gouvernement ni ayeke sara ande.

 E tisa mo ti gi ti hinga ye mingi na ndö ti ye so Bible atene, tongaso si mo na afami ti mo apeut ti wara ye ti nzoni na lege ti wango ti ndara nga na apendere zendo so ayeke na yâ ti Bible.