Mingi ti azo apensé so mbeni ye ti sarango ni ndali ti akpale ti e na ngu 2024 ayeke dä ape. Me, nyen la apeut ti aidé e ti duti na espoir ndali ti kekereke?

 Bible amû zendo so Nzapa ayeke leke ande akpale so laso asara si e perdre espoir. Fafadeso, Nzapa ‘yeke mbô ande ngu ti lê kue na lê ti e, kuâ ayeke duti ande dä mbeni pëpe; mua, wala toto, wala pasi ayeke duti dä mbeni pëpe.’​—Apocalypse 21:4.

•   Ti hinga ye mingi na ndö azendo so Bible amû ndali ti kekereke, diko article “Une espérance réelle pour des jours meilleurs.”

 Bible amû na e beku so apeut ti aidé e ti duti na nzoni bango ndo na ndö ti gigi ti kekereke (aRomain 15:13). Anzoni wango so ayeke na yâ ti Bible apeut nga ti aidé e ti gbu ngangu na yâ ti akpale so e yeke wara laso, na tapande yere, sarango ye na zo na lege ni ape nga na kobela.

•   Bâ tongana nyen la Bible a-aidé lani mbeni koli ti duti na siriri nga na ngia atâa so sewa ti lo ayeke lani pauvre. Bâ vidéo Juan Pablo Zermeño: Jéhovah amû na mbi mbeni pendere gigi.

•   Gi ti bâ tongana nyen la Bible apeut ti aidé mo tongana mo bâ so tënë ayeke na li ti mo, mo yeke na vundu, mo yeke gi bê ti mo nga tongana mbeni zo so mo ye lo akui. Diko article “La Bible peut-​elle m’apporter du réconfort ?”

•   Bâ tongana nyen la mbeni turugu so aperdre lani espoir nga so ayeke bibe na azo ape akiri aduti na espoir grâce na aye so lo manda na yâ ti Bible. Bâ vidéo J’ai déposé les armes.

 Sara si ngu 2024 aduti mbeni nzoni ngu ndali ti mo nga na azo ti sewa ti mo. Gi ti hinga tongana nyen la Bible apeut ti aidé mo. Manda Bible mo wani na lege ti cours biblique particulier. Bâ tongana nyen la Nzapa apeut ti mû na mo “siriri” laso nga na “mbeni nzoni gigi ti kekereke nga na beku.”​—Jérémie 29:11.