•   “Presque moitié ti azo so ayeke na État-Unis abâ so ala yeke gï ala oko, so na popo ni ayeke wara nga amaseka so ngu ti ala ague na li ni kamême.”​—Notre épidémie de solitude et d’isolement : Rapport du ministère américain de la Santé sur les bienfaits du lien social et de l’entourage, 2023.

•   “[Ndokua so abâ tënë ti seni na yâ ti dunia kue (Organisation mondiale de la santé)] azia mbeni fini commission na sese so ayeke bâ tënë ti songo so ayeke na popo ti azo, ti lutter contre tënë ti dutingo zo lo oko so ayeke ga na kpale ti seni, nga ti sara mbeni ye hio ti wara asolution na ndö ti tënë ni na yâ ti akodro kue.”​—Organisation mondiale de la santé, 15 novembre 2023.

 Bible amû na e anzoni wango so apeut ti aidé e ti duti na nzoni songo na azo.

 Kpe aye so asara si mo duti gï mo oko. Mbeni ye ni andu sarango kua na aréseaux sociaux ahon ndö ni. Ahon ti sara tongaso, gi ti sara aye so apeut ti sara si mo duti ensemble na azo nga ti tene mo wara avrai kamarade.

•   Mama-ndia ti Bible: “Tâ kamarade aye mba ti lo na ngoi kue nga lo yeke mbeni ita so a dü lo ndali ti angoi ti vundu.”​—aProverbe 17:17.

 Gi alege ti aidé ambeni zo. Ti sara aye ti nzoni na azo ayeke sara si mo duti na kpengba songo na azo, nga mo yeke sentir terê ti mo bien.

•   Mama-ndia ti Bible: “Mungo ye na zo aga na ngia mingi ahon warango ye na tïtî zo.”​—Kusala 20:35.

 Gue na ndö ti site ti e ti hinga ambeni ye so Bible afa na ndö ti ye so mo peut ti sara ti wara anzoni kamarade.