Na yâ ti mbeti sango ti juin 2022, président ti Banque mondiale atene: “Kpale ti nginza na yâ ti dunia akiri aga ngangu mingi. A yeke mbeni ngoi so ngere ti aye aga cher nga na oko ngoi ni azo ayeke na nginza mingi ape ti vo na ye.”

 Na mbage, mbeni mbeti (The International Monetary Fund) atene so: “Ngere ti essence nga na ti akobe ague na li ni hio mingi, nga akodro so ayeke na moyen mingi ape la ayeke bâ pasi na yâ ti situation ni so.”

 Bible a-aidé e ti hinga ndani so e yeke tingbi na mara ti kpale ti nginza tongaso, a fa na e tongana nyen la e peut ti hon ndö ni nga a mû na e beku so kpale ni ayeke hunzi ande biani biani.

•   Bible airi ngoi so e yeke vivre ni laso “lâ ti nda ni.”—2 Timothée 3:1.

•   Jésus atene lani so ala yeke “bâ aye so amû mbeto na zo” wala aye so ayeke si so amû mbeto mingi na ngoi ni so (Luc 21:11). Ngere ti aye so aga cher mingi asara azo mbeto. Azo ayeke gi bê ti ala na ndö ti gigi ti ala ti kekereke nga ala yeke hunda terê ti ala wala ala peut ti ngbâ ti mû na sewa ti ala aye so ala yeke na bezoin ni.

•   Mbeti ti Apocalypse atene kozo awe so ngere ti aye ayeke ga cher na ngoi ni so. “Mbi mä mbeni go. . . . atene: ‘Ngere ti kilo oko ti blé; ngere ti kilo ota ti orge alingbi na nginza ti kua ti lango oko.’”—Apocalypse 6:6, Mbeti ti Nzapa, Tënë so amu fini.

 Ti hinga ye mingi na ndö ti “lâ ti nda ni” nga na aprophétie ti mbeti ti Apocalypse, bâ vidéo Le monde a changé depuis 1914 nga diko article “Azo wa la ayeke na ndö ti ambarata osio so?”

•   “Azo ayeke leke ada, na ala yeke lango na yâ ni, nga ala yeke fâ ayaka ti vigne, na ala yeke te lengo ni. Ala yeke leke da si mbeni zo nde alango dä pëpe; nga ala yeke lu ye si mbeni zo nde ate ni pëpe.”—Ésaïe 65:21, 22.

•   “Alê ti kobe ayeke dü mingi na ndö ti sese; a yeke sigi gbani gbani na li ti ahoto.”—Psaume 72:16.

•   “Jéhovah atene: ‘Ndali ti pasi so a sara na azo ti mawa nga na dema ti awayere, mbi yeke londo ti sara mbeni ye.’”—Psaume 12:5. a

 Na yâ ti kete ngoi, Nzapa ayeke hunzi kpale ti nginza nga na ti yere, gï pëpe na yâ ti mbeni kodro me na yâ ti dunia kue. Ti hinga tongana nyen la lo yeke sara ni ande, diko article “Peut-on espérer un système économique plus juste ?”

 Bible apeut même ti aidé e laso ti hon ndö ti kpale ti ngere ti aye so aga cher so. Na lege wa? Na lege so mo yeke wara na yâ ti Bible anzoni wango so apeut ti aidé mo ti géré nginza ti mo na lege ti ndara (aProverbe 23:4, 5; Zo-ti-fa-tene 7:12). Ti hinga ye mingi na ndö ni, diko a-article “Bata aye so mo yeke vivre na ni” nga “Comment vivre avec moins.”