A yeke ngangu na mingi ti azo na yâ ti dunia ti wara nginza ti tene ala vivre na ni nga ye ni akiri aga pire ahon ti kozo.

•   Tongana ti so mbeni rapport a so a sara na yâ ti dunia kue ade ti ninga ape afa so, “azo ayeke na nginza mingi ape ti vo ye alingbi na nginza so ala yeke wara.” Rapport ni afa so tongana a sara mbeni ye ndali ni ape, e yeke bâ ande “kota kangbi so ayeke na popo ti azo so ayeke na gbâ ti nginza nga na ala so ayeke na ni ape”, na a yeke sara si “niveau ti vie ti mingi ti asewa ayeke ga ande pire.”

 Eskê agouvernement apeut ti leke ngangu kpale ti nginza ni so, wala même ti leke ni kete?

 Bible afa so mbeni gouvernement ayeke dä apeut ti leke akpale ni so kue, so andu kangbi so ayeke na popo ti azo. Bible afa so “Nzapa ti yayu ayeke sigi na mbeni royaume,” mbeni gouvernement so ayeke leke ande akpale kue na ndö ti sese (Daniel 2:44). Na gbe ti gouvernement ni so, a yeke girisa ande zo oko ape wala a yeke dö zo oko ti zia ape (Psaume 9:18). Azo kue so ayeke duti ande na gbe ti Royaume ti Nzapa ayeke wara aye kue so ala yeke na bezoin ni ti duti na ngia. Azo kue ayeke wara ande ngia na peko ti ngangu kua ti ala.—Ésaïe 65:21, 22.