“Kpale ti kobela ti li so amaseka ayeke na ni aga mbeni ye so a lingbi a sara mbeni ye hio ndali ni, na e ga ti bâ so kota ye so ayeke na gunda ni ayeke aréseaux sociaux.”—Dr. Vivek Murthy, chirurgien général des États-Unis, New York Times, 17 juin , 2024.

 Nyen la ababâ na amama apeut ti sara ti bata amolenge ti ala si ala wara pëpe akpale so aréseaux sociaux ayeke ga na ni? Bible amû anzoni wango na ndö ni.

 Bâ amama-ndia ti Bible so.

 “Zo so lê ti lo ahan agbu li kozo si lo bi gere ti lo.”—aProverbe 14:15.

 Ndali ti so aréseaux sociaux apeut ti sara sioni na molenge ti mo, mo yeke obligé ape ti zia lege na lo ti sara kua na ni. Kozo ti tene mo zia lege na molenge ti mo ti sara kua na aréseaux sociaux, duti sûr so lo yeke sara ye alingbi na andia so mo lu na ndö ti temps so lo yeke passé na ndö ti aréseaux sociaux. Gi ti bâ si lo ngbâ ti duti na anzoni kamarade nga lo kpe asite so ayeke nzoni ape.

•   Ti hinga ye mingi na ndö ni, diko article “Mon enfant devrait-il utiliser les réseaux sociaux?”nga na “Protégez votre adolescent des dangers des réseaux sociaux.”

 Ala ‘[sara] kusala nzoni na ngoi ti ala.’—aÉphésien 5:16.

 Tongana mo zia lege na molenge ti mo ti sara kua na aréseaux sociaux, lu andia ti fa na lo tongana nyen la lo yeke sara kua na ni nga fa na lo so aye ni so ayeke bata lo si lo wara kpale ape. Tongana mo bâ so asarango ye ti molenge ti mo ayeke changé, bâ wala mo bezoin ti kanga lege na lo ti sara kua na aréseaux sociaux.

•   Sara kua na adessin abougé na lê ti tableau Zia si aréseaux sociaux ahanda mo ape ti aidé molenge ti mo ti hinga ndani so ayeke kota ye ti sara hange na fason so lo yeke sara kua na aréseaux sociaux.

 Bible atene so e yeke na “angoi ti akpale so ayeke ngangu na zo ti kanga bê na yâ ni.” (2 Timothée 3:1-5). Na ndö ni, Bible amû na e awango so apeut ti aidé e ti gbu lê ni. Mo yeke wara liste ti a-article ahon 20 so aluti na ndö ti aye so Bible afa ndali ti ababâ na amama nga na amolenge ti ala, article so asara tënë na ndö ti kpale ti kobela ti li so amaseka ayeke na ni.