Laso a sara ngu 130 tongaso awe la ngu oko oko aTémoin ti Jéhovah ayeke sara akota bungbi. Fadeso na yâ ti akapa ni a yeke wara a diskur nde nde 40, abia, a-interview nga na avidéo. Ti tene azo so aga abâ nzoni na lege ti kapa ni alingbi “ala mä na ala bâ” ye ni polele (Luc 2:20). Tongana nyen la a yeke sara kua na a-offrande ti ala tongaso si azo kue apeut ti bâ nzoni na lege ti akapa ni so atâa ndo wa la ala yeke dä?

 Mingi ti a stade nga na ando so a yeke sara angia dä na Europe ayeke na agbakuru ti ala ti audio-vidéo. Tongaso, na ngoi so e yeke loué ando ni so ti sara na akota bungbi ti e, ngbanga ti nyen la e yeke ga na agbakuru ti e wani? David, so ayeke sara kua maboko na maboko na Ndokua ti Télé JW ti kota ndokua ti e, atene: “Mingi ti ando so e loué ni amû lege pëpe na azo so aga ti mä ndo nzoni, mbilimbili ti mä awamungo diskur ni ahon l’heure omene. Na tapande, na yâ ti a stade ni so, a yeke sara kua na agbakuru ti sonorisation ni gï ti fa na anduru tokua nga ti joué abia. A-écran ti avidéo ti ala ni ayeke fa ascore ti amatch, ti apublicité nga ti kiri ti fa peko ti ambeni ye so ala fa ni fade awe. Nde na so, e ye ti tene azo so aga abâ ayongoro vidéo nga ti tene ala mä yâ ti atënë so a tene kâ na ndö ti strade ni polele.”

 Akota bungbi oko oko ayeke nde nde, tongaso agbakuru ti kua ti audio-vidéo nga kue ayeke nde nde. Gï so a wara place ti sarango kota bungbi ni awe, Ndokua ti Télé JW ti filiale ti e ayeke gi ti hinga ndo so azo so aga ayeke duti ande dä nga ti bâ si wungo ti azo so aga alingbi na wungo ti aplace ni. Aita-koli ni ayeke sara calcul ti gi ti hinga mbilimbili ando so ala peut ti installé ahaut-parleur nga na a-écran ni dä, na ti bâ tongana nyen la ala yeke connecté ni, nga ti hinga agbukuru so a bezoin ni tongaso si zo kue apeut ti bâ nga ti suivre programme ni nzoni.

 Sarango kua na agbakuru ti audio-video aga mbeni ye so ayeke compliqué tongana a hunda ti tene a sara akota bungbi ni na ayanga ti kodro mingi. Tongana a hunda ti kiri na peko ti programme ni na ambeni yanga ti kodro, azo so ayeke kiri na peko ti atënë ni abezoin ti mä audio nga ti bâ vidéo ni. Tongana ala kiri na peko ti atënë ni awe, a yeke tokua ni na ndö ti achaîne nde nde ndali ti azo so ayeke mä ayanga ti kodro ni so. Ndali ti so a sara kua na mbeni lecteur multimédia so ayeke nde, azo so aga apeut ti bâ vidéo ni na oko ngoi atâa so a sara a-audio ni na ayanga ti kodro nde nde miombe. David atene: “Sarango kua na agbakuru ni ayeke compliqué mingi nga avolontaire so ayeke sara kua na ni alingbi a formé ala nzoni.”

 Mingi ti afiliale ayeke na agbukuru ti audio-vidéo so ala yeke bata ni ti sara na kua ngu oko oko. Tongana ayeke tongaso, aita-koli ni ayeke gi ti sara kue ti tene a voyagé na agbakuru ni a gue na ni na ando so a yeke sara akota bungbi ni dä. Ngu oko oko filiale ti États-Unis ayeke dépensé 200 000 dollard  a ti tene a mû agbakuru ni ague na ni na ndo so ayeke sara akota bungbi ni dä. Ye so asara si e dépensé nginza mingi ape ti vo mbeni fini gbakuru nga ti bâ lege ni. Steven so ayeke aidé ti bâ ndo na ndö ti équipe ti audio-vidéo na ngoi ti akota bungbi na Canada, atene: “Équipe ti e ti audio-vidéo ayeke sara kue ti hinga wala aye ti terê ti agbukuru ni kue angbâ nzoni, aye tongana a-écrou, aboulon, acable nga na ambeni ye ti kua ni tongaso si a peut ti sara kua na ni ndali ti kota bungbi ti peko.”

 Ti loué agbakuru ti kua ni ayeke cher mingi, qualité ni ayeke nzoni ape nga a yeke bâ lege ti agbakuru ni nzoni ape. A yeke ndali ni la, mingi ni e yeke vo agbakuru ti kua so e yeke na bezoin ni. Fadeso ngere ti mbeni Écran vidéo LED so largeur ni ayeke 3m nga longeur ni ayeke 5m ayeke 24 000 dollard tongaso, nga même mbeni senge kamba ti micro so ayo 15m ngere ni ayeke 20 dollard tongaso. Me, ndokua ti Télé JW ayeke sara kua maboko na maboko na ndokua ti vongo aye ti “diko ngere” ti agbkuru ni kozo ti tene a vo ni (Luc 14:28). Na tapande, ala yeke hunda terê ti ala, azo oke la ayeke bâ nzoni na lege ti agbakuru ni? Eskê vongo afini gbakuru ti kua ni alingbi na bezoin ti ndo ni? Eskê nzoni place ti batango agbakuru ni ayeke dä, wala eskê e yeke na aye ti lekengo na agbakuru ni nga na avolontaire so a formé ala ti bâ lege ni nzoni?

 Ti tene agbakuru ti sarango na kua ti audio-vidéo ni aninga, tongaso si a bata nginza so a zia ndali ni, lakue e yeke bâ lege ti aye ti kua ni si asara kua nzoni nga e yeke leke aye so abuba na terê ni. E yeke zia agbakuru ni na yâ ti acaisse so ayeke nzoni tongaso si agbakuru ni abuba ape, nga e yeke bâ lege ti acaisse ni so ngoi na ngoi tongana lege ayeke dä.

 Na ngoi ti akota bungbi ti e, anzoni gbakuru ti kua ti audio-vidéo so e yeke na ni apika bê ti azo so ayeke aTémoin ti Jéhovah ape. Na tapande, na ngoi ti mbeni kota bungbi ti lango ota, Jonathan so ayeke mû maboko na kua ti montengo agbakuru ti kua ti audio-vidéo nga ti bâ si agbakuru ni asara kua nzoni, a fa tongana nyen la pendere kapa ti kota bungbi ni nga na anzoni gbakuru ti kua ti audio-vidéo so e sara na kua apika bê ti mbeni koli so ayeke sara kua na mbeni kota ndokua ti audio-vidéo. Koli ni atene: “Li ti mbi akpe ti bâ so azo ti yâ ti équipe ni kue ayeke avolontaire nga ala yeke na diplôme ti kua ni ape.” Lo kiri lo tene: “a yeke mû lango oku na entreprise ti mbi ti monté agbakuru ti kua so équipe ti e amonté ni na yâ ti lango oko na ndambo.” Na ngoi ti mbeni kota bungbi ni nde directeur ti mbeni kota ndokua atene: “Mingi ti azo so ahinga kua ti mozoko nga na ti vidéo ayeke ga ka na ndo so, me fason so atémoin ti Jéhovah asara na kua so ade mbi bâ mara ni lâ oko ape.”

 Tongana nyen la mo peut ti bâ nzoni na lege ti agbakuru ti audio-vidéo na ngoi ti akota bungbi? Peut-être tënë ti bê ti mo ague oko na ti David so ayeke na Angleterre. Lo tene: “Mbi yeke na ngu 88 nga mbi yeke gue lakue na akota bungbi. Me, ti fadeso ayeke ngangu na mbi ape ti zia li ti mbi na ndö ti kapa ti kota bungbi ni. Merci mingi na apendere vidéo so asara si programme ni ahon hio hio nga atënë ni ayeke polele nga na lege ni.” Micheal so ayeke na Nigéria, atene: “Ndali ti so ayeke facile na aita ti mä zo so ayeke mû diskur nga ti bâ avidéo ni, ye so asara si ayeke ngangu na ala ape ti zia li ti ala kpô nga ti tene ala perdre ye oko na ngoi ti kapa ni ape.”

 Tongana mo yeke gue na kota bungbi ti lango ota, wala akota bungbi so ayeke nde ti ngu so na so mama tënë ni ayeke “Fa nzoni tënë”!, mû ngoi ti gbu li na ndö ti akua kue so a sara ti mû lege na mo ti mä nga ti suivre kapa ni nzoni. Merci mingi na ala ndali ti a-offrande so ala yeke mû wala ati so ala yeke mû na lege ti donate.pr418.com, ye so a sara si e wara lege ti sara akua so kue. Merci mingi na ala.