Ésaïe 14:1-32
14 Jéhovah ayeke sara ande nzoni bê na ahale ti Jacob,+ nga lo yeke kiri ti soro ahale ti Israël.+ Lo yeke kiri na ala* na kodro ti ala.+ Awande so asara kodro na ndo ti ahale ti Jacob ayeke bungbi oko na ala, na ala yeke ngbâ na terê ti ala.+
2 Azo ti ambeni mara nde ayeke mû azo ti Israël ti kiri na ala na ndo ti ala. Azo ni ayeke ga azo ti kua ti azo ti Israël ti koli na ti wali+ na kodro ti Jéhovah. Azo so amû lani azo ti Israël na ngbâa ayeke ga angbâa ti azo ti Israël ni, na azo so lani ayeke pusu ala ti sara kua* ayeke ga azo ti kua ti ala.
3 Na ngoi so Jéhovah ayeke sara si pupu aya ala na peko ti pasi so ala bâ, agingo bê so ala wara nga na ngangu kua ti ngbâa so a forcé ala ti sara,+
4 ala yeke he ande gbia ti Babylone, ala tene:
“Bâ tongana nyen zo so ayeke forcé azo ti sara kua atï!
Bâ tongana nyen pasi so lo sara na azo ahunzi!+
5 Jéhovah akungbi yâ ti keke ti azo ti sioni awe,lo kungbi yâ ti keke ti azo so ayeke komande.+
6 Lo kinda zo so asara ngonzo si ayeke pika gï azo,+zo so asara ngonzo si ayeke gbu azo ti amara na ngbâa nga ayeke sara gï ye ti ngangu na ala.+
7 Fadeso sese kue ayeke wu terê ti lo, mbeni ye ti yengi ni ayeke dä pëpe.
Azo adekongo na ngia.+
8 Même terê ti akeke ti genévrier anzere ti bâ ye so asi na mo,ala na akeke ti cèdre ti Liban.
Ala tene: ‘Ngbene ye so mo tï,mbeni zo ti dengo keke aga na terê ti e pëpe.’
9 Même Dû ti kuâ* na gbe ti sese ayeke ku mo kungoti yamba mo na ngoi so mo ga.
Gango ti mo asara si azo so akui awe na so ayeke na ngangu pëpe azingo,amokonzi kue so asara lani pasi na azo* ti sese.
Gango ti mo asara si agbia ti amara kue alondo na ndö ti trône ti ala.
10 Ala kue ayeke tene na mo, atene:
‘Mo nga kue mo yeke na ngangu pëpe tongana e?
Mo nga kue mo ga tongana e?
11 Pikango kate so mo yeke pika so adescend na yâ ti Dû ti kuâ*legeoko na toto ti aye ti mozoko ti mo so ayeke na kamba.+
Angusu amû ndo na gbe ti mo tongana gbogbo,nga ala mû terê ti mo kue tongana couverture.’
12 Bâ tongana nyen mo londo na yayu kâ mo tï,mo so mo za zango, mo molenge ti lumière ti kota ndapre!
Bâ tongana nyen a dë mo a bi mo na sese,mo so mo yeke kinda lani amara!+
13 Mo tene na yâ ti bê ti mo, mo tene: ‘Mbi yeke monté ande na yayu.+
Mbi yeke zia trône ti mbi na ndö ti atongoro ti Nzapa,+na mbi yeke duti na ndö ti hoto so azo ayeke bungbi dä,hoto so ayeke yongoro kâ na mbage ti nord.+
14 Mbi yeke monté na nduzu juska mbi duti na ndö ti ambinda;mbi yeke sara terê ti mbi tongana Nzapa so ayeke na nduzu na ndö ti aye kue.’
15 Me a yeke gboto mo ti gue na mo na yâ ti Dû ti kuâ,*kâ na ngbonda ti dû ni.
16 Azo so abâ mo ayeke ngbâ gï ti bâ mo;ala yeke bâ mo mbilimbili, na ala yeke tene:
‘Koli so ayengi lani sese kue so la?
Lo so ayengi aroyaume so la?+
17 Lo so asara si sese so azo ayeke dä aga tongana benyama so la?
Lo so akinda agbata so la?+
Lo so ake ti zi azo so lo kanga ala ti tene ala kiri na kodro ti ala so la?’+
18 Tanga ti agbia ti amara kue,a lu ala na yâ ti gloire,zo oko oko na yâ ti dû ti kuâ* ti lo.
19 Me mo, a bi mo gï na yâ ti dû tongasotongana mbeni kete fini keke* so zo aye ni pëpe.
Kuâ ti mo ayeke na popo ti gbâ ti azo so a fâ ala na épée,ala so a bi ala na yâ ti dû so atênë ayeke na yâ ni,tongana kuâ so azo ayeke tambela na ndö ni.
20 A yeke lu mo tongana ti agbia pëpe,ndali ti so mo futi kodro ti mo wani,mo fâ azo ti mo.
A yeke kiri ande ti di iri ti ahale ti azo ti sioni pëpe.
21 Leke mbeni ndo ti tene a fâ amolenge ti lo ti koli dändali ti tënë so ayeke na li ti akotara ti ala,tongaso si ala londo ala mû akodro pëpenga si agbata ti ala amû yâ ti akodro ni pëpe.”
22 Jéhovah ti aturugu atene: “Mbi yeke londo na terê ti ala.”+
Jéhovah atene: “Mbi yeke zi na Babylone iri ti azo, tanga ti azo nga na ahale ti ala.”+
23 Jéhovah ti aturugu atene: “Mbi yeke sara si aporc-épic amû yâ ti kodro ni, nga kodro ni aga ndo ti angu so asosongo asigi dä. Mbi yeke zi aye kue na yâ ni tongana ti so zo ayeke mû balai si lo balê na asaleté kue.”+
24 Jéhovah ti aturugu adeba, atene:
“Ye ni ayeke si ande tâ gï tongana ti so mbi pensé so.
Ye ni ayeke si ande tâ gï tongana ti so mbi mû desizion ti sara so.
25 Mbi yeke neka zo ti Assyrie na yâ ti kodro ti mbi,mbi yeke dö yâ ti lo na ndö ti ahoto ti mbi.+
A yeke zi joug ti lo na ndö ti go ti azo ti mbi,nga a yeke zi anengo kungba ti lo na ndö ti go ti ala.”+
26 Ye so lo mû desizion ti sara na* azo ti sese kue la,nga kua so lo yôro maboko ti lo ti sara na terê ti amara kue la.*
27 Jéhovah ti aturugu amû desizion awe,zo wa la alingbi ti buba yâ ni zo wa?+
So lo yôro yâ ti maboko ti lo awe so,zo wa la alingbi ti kiri na ni dä zo wa?+
28 Na ngu so Gbia Achaz akui,+ a to mbela so atene:
29 “A-Philistin, keke ti zo so ayeke pika lani ala so, yâ ni afâ awe.
Me zia si terê ti mbeni zo na popo ti ala anzere ndali ni pëpe.
Lo so ayeke tongana ngbo so,+ mbeni sioni ngbo ayeke sigi ande na yâ ti lo.+
Ngbo ni so asigi na yâ ti lo so ayeke huru hurungo, nga ngonzo ti lo ayeke zö zo tongana wâ.*
30 Na ngoi so akozo molenge ti azo ti mawa ayeke te yenga awayere ayeke wu terê ti ala na siriri,mbi yeke sara si nzara afâ ahale ti ala,nga azo ayeke fâ tanga ti ala.+
31 Ala so ayeke na yanga ti gbagba, ala toto na vundu! Ala so ayeke na yâ ti gbata, ala dekongo!
Ala aPhilistin, bê ti ala kue ayeke nze,ndali ti so mbeni guru alondo na mbage ti nord ayeke ga;gbâ ti aturugu ayeke ga, na mbeni ayeke si na retard pëpe.”
32 Ala yeke tene ande nyen na azo so mbeni kodro atokua ala?
Ala yeke tene na azo ni atene Jéhovah la azia gere ti gbata ti Sion,+nga so azo ti mawa so ayeke na popo ti azo ti lo ayeke gue kâ ti bata terê ti ala.
Akete tënë na terê ni
^ Wala “sara si ala wu terê ti ala.”
^ Wala “amokonzi so ayeke forcé ala ti sara kua.”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Na Hébreu: “akoli-ngasa.”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Na Hébreu: “da.”
^ Wala “maboko ti keke.”
^ Na Hébreu: “Wango so a mû na terê ti.”
^ Wala “maboko ti lo ayeke nduru ti pika amara kue.”
^ Wala “lo yeke sioni ngbo so amû loro mingi.”
