Ésaïe 15:1-9
-
Tënë ti ngbanga na ndö ti Moab (1-9)
15 Tënë ti ngbanga so Nzapa adë na ndö ti Moab:+
So a futi gbata ti Ar,+ so ayeke na Moab, na bï oko,ndo adë ngii na yâ ti gbata ni.
So a futi gbata ti Kir,+ so ayeke na Moab, na bï oko,ndo adë ngii na yâ ti gbata ni.
2 Lo monté lo gue na da ti anzapa* nga na gbata ti Dibon;+lo gue na ando so ayeke na nduzu ti toto.
Moab atoto ndali ti gbata ti Nébo+ na ti Médeba.+
A fâ li ti zo oko oko kue na lakpangba,+ nga a kpaka kuä ti yanga ti zo oko oko kue.+
3 Azo ayü bongo ti vundu, ala tambela na ndö ti alege ti kodro ni.
Na ndö ti ada nga na ando so azo ayeke gue ka dä mingi, azo kue ayeke toto na vundu;ala yeke descend na toto.+
4 Azo ti gbata ti Hesbon na ti Éléaléh+ ayeke dekongo;a mä go ti ala juska na Jahaz.+
Ndani la akoli ti Moab so ayü aye ti bira angbâ gï ti dekongo.
Terê* ti azo ti Moab ayeke dö.
5 Bê ti mbi adema na vundu ndali ti Moab.
Azo so akpe kodro ni ague juska na gbata ti Zoar+ na ti Églath-Shélishiyah.+
Ala yeke toto na ngoi so ala yeke monté ti gue na Luhith.
Na ngoi so ala yeke na lege ti guengo na gbata ti Horonaïm, ala yeke toto na vundu ndali ti ye ti ngangu so asi so.+
6 Ngu so ayeke na Nimrim abuba kue;fini pere ahule,pere ayeke dä encore ape nga mbeni fini pere wala fini keke angbâ pëpe.
7 Ndani la ala yeke mû aye so angbâ na yâ ti agogoro ti ala nga na tanga ti amosoro ti ala ti hon na ni.
Ala yeke fâ yâ ti popo-hoto* so akeke ti peuplier ayeke dä.
8 Dekongo ti azo amû yâ ti kodro ti Moab+ kue.
Toto ti vundu ague juska na kodro ti Églaïmnga juska na kodro ti Béer-Élim.
9 Ngu so ayeke na Dimon asi singo na mênë,na mbi yeke ga ande na mbeni ye na ndö ti kodro ti Dimon:
Abamara ayeke gbu azo ti Moab so akpenga na tanga ti azo so angbâ na yâ ti kodro ni.+
