Ésaïe 23:1-18
-
Tënë ti ngbanga na ndö ti Tyr (1-18)
23 Tënë ti ngbanga so Nzapa atene na terê ti gbata ti Tyr:+
Abateau ti Tarsis,+ ala toto na vundu,ndali ti so a buba ando ti lutingo ti abateau awe; bateau alingbi ti lï dä pëpe.
A fa tënë so na ala na kodro ti Kittim.+
2 Ala azo so asara kodro na yanga ti ngu, ala duti kpô.
Azo ti dengo buze so alondo na Sidon+ si afâ ngu-ingo aga asara si mosoro ti ala asi singo.
3 Abateau so ahon na ndö ti gbâ ti angu amû alê ti kobe* so asigi na terê ti ngu ti Shihor*+nga na ati so asigi na terê ti Ngu ti Nil aga na ni na Tyr, na lo wara mosoro dä.
Abateau so ayeke ga na amosoro ti amara nde nde.+
4 Sidon, mo so mo yeke tongana ngangu gbagba na terê ti ngu-ingo, zia kamene asara mondali ti so ngu-ingo atene:
“Mbi hinga pasi ti dungo pëpe, nga mbi dü pëpe.
Mbi bata nga amaseka-koli wala amaseka-wali* pëpe.”+
5 Legeoko tongana ti so azo asara vundu na ngoi so ala mä tënë ti ye so asi na Égypte,+azo ayeke sara ande vundu na ngoi so ala mä tënë ti ye so asi na Tyr.+
6 Azo, ala fâ ngu ala gue na Tarsis!
Ala azo so asara kodro na terê ti ngu, ala toto na vundu!
7 So ayeke gbata ti ala so ândö na tongo nda ni azo ayeke na ngia dä mingi so la?
Gere ti azo ti Tyr ague na ala lani na akodro so ayo, ti tene ala sara kodro kâ.
8 Zo wa la amû desizion ti sara ye so na Tyr so zo wa?
Tyr so ayeke zia couronne na li ti azo,Tyr so azo ti lo so akä ye ayeke amokonzinga so awadengo buze ti lo ayeke azo so a ne ala na ndö ti sese kue so?+
9 Jéhovah ti aturugu la amû desizion ti sara ye so na Tyr,si baba asara lo encore ape ndali ti apendere ye ti lo kuenga si kamene asara azo kue so a ne ala na ndö ti sese kue.+
10 Azo ti Tarsis, ala mû ndo na yâ ti kodro ti ala tongana ti so Ngu ti Nil ayeke mû ndo.
Ndo ti lekengo abateau* ayeke dä encore ape.+
11 Nzapa ayôro maboko ti lo na ndö ti ngu-ingo;Lo yengi aroyaume.
Jéhovah amû yanga ti tene a futi angangu gbagba ti Phénicie.+
12 Nga lo tene: “Mo yeke sara ngia encore ape,+mo kodro so a sara ye ti ngangu na mo, mo molenge ti Sidon ti wali so ade ti hinga koli pëpe.
Londo, fâ ngu mo gue na Kittim.+
Même kâ, mo yeke wara lege ti wu terê ti mo pëpe.”
13 Bâ ndo na mbage ti kodro ti azo ti Chaldée.+
A yeke ala, me azo ti Assyrie+ pëpe,so asara si Tyr aga ndo ti anyama ti désert.
Ala leke aye ti bira ti ala so ayeke tongana atour so ayo na nduzu;ala kungbi angangu tour ti Tyr juska na gere ni,+ala sara si a ga mbeni ndo so abuba kue.
14 Ala abateau ti Tarsis, ala toto na vundu,ndali ti so a futi ngangu gbagba ti ala awe.+
15 Na ngoi ni so, azo ayeke girisa na ndö ti Tyr angu 70,+ so ayeke angu ti fini* ti mbeni gbia. Na hunzingo ti angu 70, Tyr ayeke ga tongana wali-ndumba so a sara tënë ti lo na yâ ti bia, a tene:
16 “Mo wali-ndumba so azo agirisa na ndö ti mo awe so, mû harpe, mo fono na yâ ti gbata ni.
Pika pendere mozoko na harpe ti mo;he gbâ ti abia,si azo adabe ti ala na mo.”
17 Na hunzingo ti angu 70 ni, Jéhovah ayeke bi bê ti lo na ndö ti Tyr, na lo yeke kiri ti wara mosoro na peko ti kua ti lo ti wali-ndumba ni, na lo yeke sara ndumba na aroyaume kue ti dunia.
18 Me mosoro ti lo ni ayeke ga mbeni ye so a zia ni nde ndali ti kua ti Jéhovah. A yeke zia ni na mbeni ndo ti bata ni pëpe, ngbanga ti so a yeke mû ande ni na azo so asara kodro na gbele Jéhovah, si ala te ye nzoni nga ala yü bongo so ayeke pendere mingi.+
Akete tënë na terê ni
^ Na Hébreu: “angongoa.”
^ So ti tene mbeni maboko ti Ngu ti Nil.
^ Na Hébreu: “amaseka so ade ti hinga koli pëpe.”
^ A lingbi nga ti tene “Ndo ti lutingo ti abateau.”
^ Na Hébreu: “alango ti fini.”
