Ésaïe 25:1-12
25 Jéhovah, mo yeke Nzapa ti mbi.
Mbi gonda mo mingi, mbi sepela iri ti mo,ndali ti so mo sara aye so apika bê mingi,+aye so, ngbene ye ândö giriri, mo leke na bê ti mo ti sara.*+
Mo sara aye so ndali ti so mo yeke be-ta-zo,+ na zo alingbi ti zia bê ti lo kue na mo.
2 Mo sara si mbeni gbata aga gï gbâ ti atênë,mo sara si kodro so ayeke na yâ ti ngangu gbagba abuba kue.
Tour ti awande ayeke mbeni gbata encore ape;a yeke kiri ti leke ni lâ oko pëpe.
3 Ndani la mbeni mara so ayeke ngangu mingi ayeke mû gloire na mo;gbata ti amara so akomande na ngangu ayeke sara mbeto ti mo.+
4 Mo ga mbeni ngangu gbagba ndali ti azo ti mawa,mbeni ngangu gbagba ndali ti awayere so ayeke na yâ ti ye ti ngangu,+mbeni ndo ti batango terê na ngoi ti kota ngu-nzapanga mbeni gbe ti dê na ngoi ti ndowa.+
Mo ga mbeni ngangu gbagba na ngoi so pupu ti yanga ti azo so akomande na ngangu ayeke tongana kota ngu-nzapa so apika na terê ti mur.
5 Legeoko tongana ti so ndowa asara si mbeni ndo ahule ngangu,mo sara si wuluwulu ti awande akaï.
Legeoko tongana ti so mbinda akanga lege na sungo ti lâ,mo sara si bia ti azo so akomande na ngangu akaï.
6 Na ndö ti hoto so,+ Jéhovah ti aturugu ayeke sara mbeni matanga ndali ti azo ti amara kue;matanga ti gbâ ti anzoni kobe,+matanga ti pendere vin,*matanga ti gbâ ti anzoni kobe so asi singo na mafuta ti bio,matanga ti pendere vin so a passé ni.
7 Na ndö ti hoto so, lo yeke zi* tissu ti marakani so aroulé terê ti azo ti amara kuenga na bongo so a kpo ni kpongo* so ayeke na ndö ti azo ti amara kue.
8 Lo yeke mene* ande kuâ biaku biaku,+Jéhovah, Seigneur ti dunia kue, ayeke mbô ngu ti lê na lê ti azo kue.+
Na ndö ti sese kue, lo yeke sara si iri ti azo ti lo so abuba akiri aga nzoni,ndali ti so Jéhovah lo wani asara tënë ni awe.
9 Na ngoi ni so, ala yeke tene:
“Bâ, Nzapa ti e la!+
Lo la e yeke ku fade lo so,+lo yeke sö e ande.+
Jéhovah la!
Lo la e yeke ku fade lo so.
Zia e duti na ngia nga e dekongo na ngia ndali ti so lo yeke sö e.”+
10 Maboko ti Jéhovah ayeke ngbâ na ndö ti hoto so,+nga a yeke dö yâ ti Moab na ndo so lo yeke dä+tongana ti so a bungbi asaleté ti peko ti alê ti kobe na puru ti anyama si a dö yâ ni.
11 Lo yeke yôro yâ ti maboko ti lo na ndö ti kodro ti Moab ti pika nitongana ti so zo ti tingo ngu ayeke yôro yâ ti maboko ti lo ti pika ngu.
Lo yeke sara si pikango kate ti Moab ahunzi+tongana lo pika Moab na mbeni kode.
12 Lo yeke kungbi andegbata ni so ayeke na yâ ti ngangu gbagba so ayo na nduzu si ayeke bata ni.
Lo yeke kungbi ni si a tï tâ na yâ ti fuku ti sese.
Akete tënë na terê ni
^ Wala “mo mû wango ti sara.”
^ Wala “vin so a zia ni a duti na ndö ti saka ni aninga.”
^ Na Hébreu: “mene.”
^ Wala “voile.”
^ Wala “zi.”
