Ésaïe 50:1-11
50 Jéhovah ahunda ndo, atene:
“Mbeti ti divorce+ ti mama ti ala so mbi tomba lo so ayeke na ndo wa?
Wala zo wa la nginza ti lo ayeke na li ti mbi si mbi kä ala na lo?
Bâ, a yeke ndali ti afaute ti ala+ la a kä ala,nga a yeke ndali ti akengo ndia ti ala la a tomba mama ti ala.+
2 Tongaso, ngbanga ti nyen mbi ga mbi wara zo oko ge ape?
Ngbanga ti nyen zo oko ayeda pëpe na ngoi so mbi iri ndo?+
Eskê maboko ti mbi ayeke nduru mingi, si mbi lingbi pëpe ti zi ala?
Wala mbi yeke na ngangu pëpe ti sö ala?+
Mbi suku na ngu-ingo, na a hule;+mbi sara si ando so kota ngu ayeke dä aga désert.+
Asusu ti yâ ni afun ndali ti so ngu ayeke dä pëpe,nzara ti ngu afâ ala.
3 Mbi sara si yayu avuko pitipiti,+nga mbi sara si lo yü bongo ti vundu.”
4 Jéhovah, Seigneur ti dunia kue, asara si mbi hinga ti sara tënë tongana ti azo so a fa ye na ala,*+tongaso si mbi hinga mbilimbili tënë so mbi lingbi ti tene+ ti kiri tënë na* zo so awoko.
Lakue na ndapre, lo yeke zingo mbi;lo zingo mbi, lo sara si mbi dengi mê nzoni ti mä tënë tongana ti azo so a fa ye na ala.+
5 Jéhovah, Seigneur ti dunia kue, azi mê ti mbi,na mbi sara kpengba-li pëpe.+
Mbi mû pëpe mbeni lege nde na ti so lo fa.+
6 Mbi zia peko ti mbi na azo so ayeke pika mbi,nga mbi tourné ngbangba ti mbi na azo so agboto kuä ti ngbangba ti mbi kue.*
Mbi honde lê ti mbi pëpe na aye ti kamene so a sara na mbi nga na ngu ti yanga so a tuku na lê ti mbi.+
7 Me Jéhovah, Seigneur ti dunia kue, ayeke mû maboko na mbi.+
Ndani la kamene ayeke sara mbi pëpe.
Ndani la mbi sara si ndö ti lê ti mbi akpengba tongana ngangu tênë,+na mbi hinga so kamene ayeke sara mbi pëpe.
8 Lo so adiko mbi zo ti mbilimbili ayeke nduru na mbi.
Zo wa la alingbi ti bi tënë na li ti* mbi zo wa?+
Zia e londo e luti legeoko.*
Zo wa la ayeke na tënë na mbi?
Zia lo pusu nduru na mbi.
9 Jéhovah, Seigneur ti dunia kue, ayeke mû maboko na mbi.
Zo wa la ayeke tene ande so tënë ayeke na li ti mbi?
Ala kue ayeke ga tongana gbagbara bongo so abuba.
Makongo ti tengo bongo ayeke te ala.
10 Zo wa la na popo ti ala akpe mbeto ti Jéhovahna lo mä yanga ti wakua ti lo?+
Zo wa la atambela na yâ ti bingo so avuko pitipiti sân lumière?
Zia lo zia bê ti lo kue na ndö ti iri ti Jéhovah, na lo gi ti calé terê ti lo na terê ti* Nzapa ti lo.
11 Nzapa atene: “Ala kue so ayeke tingo wâ,na so asara si akete kete lê ti wâ asungba,zia lumière ti wâ ti ala ninga akete kete lê ti wâ so asungba so afa lege na ala.
Mbi yeke punir ala na lege so:
Ala yeke lango na sese, na yâ ti terê ti ala kue ayeke son gï songo.
Akete tënë na terê ni
^ Wala “amû na mbi langue so a fa na lo ti sara tënë nzoni.”
^ A lingbi nga ti tene “ti kpengba.”
^ Wala “azo so agboto kuä ti yanga ti mbi.”
^ Wala “ti papa na.”
^ Wala “e bâ lê ti mba.”
^ Wala “lo zia bê ti lo na.”
