Ésaïe 59:1-21
59 Maboko ti Jéhovah ayeke nduru pëpe, tongaso lo lingbi ti sö zo,+nga mê ti lo akanga pëpe, tongaso lo yeke mä ndo.+
2 Me afaute ti ala la akangbi popo ti ala na Nzapa ti ala.+
Siokpari ti ala la asara si lo honde lê ti lo na ala,na lo ke ti mä ala.+
3 Yâ ti maboko ti ala aga sioni ndali ti mênë+na ali ti maboko ti ala aga sioni ndali ti siokpari.
Yanga ti ala ayeke tene mvene,+ na ala yeke diko asioni tënë na gbe ti go ti ala.
4 Zo oko ayeke dä pëpe so adekongo ti gbu koko ti ye ti mbilimbili,+nga mbeni zo so ague na ngbanga ti tene tâ tënë ayeke dä pëpe.
Azo azia bê ti ala na ndö ti ye so ayeke tâ ye pëpe*+ nga ala tene gï senge tënë.
Ala mû ngo ti wusuwusu na ala dü ye so ayeke sara sioni na zo.+
5 Ala dü apara ti asioni ngbo.Zo kue so ate para ti ala ni, lo yeke kui,
nga tongana a fâ yâ ti para ni, sioni ngbo la asigi dä.Ala mû gbanda ti tere akpo ni ti tene aga tissu.+
6 Gbanda ti tere so ala kpo ni ayeke ga bongo pëpe,nga ala lingbi ti yü ni na terê ti ala pëpe.+
Akusala ti ala ayeke sara sioni na zo,nga ala yeke sara aye ti ngangu na zo.+
7 Gere ti ala ayeke kpe loro ti gue ti sara sioni,ala yeke kpe loro hio ti gue ti tuku mênë ti zo senge senge.+
Apensé ti ala ayeke asioni pensé.Futingo ye nga na ye ti mawa ayeke na ndö ti alege ti ala.+
8 Ala hinga lege ti siriri pëpe,nga na ndö ti alege so ala hon dä, sarango ye mbilimbili ayeke dä pëpe.+
Ala sara si alege ti ala aba kirikiri.Zo so atambela na ndö ni ayeke duti na siriri pëpe.+
9 Ndani la sarango ye mbilimbili ayeke yongoro na e,na e lingbi pëpe ti wara lege ti sara ye na lege ni.
E ngbâ ti ku lumière, me gï vukongo ndo la ayeke dä.E ngbâ ti ku kota lâ, me e yeke tambela na yâ ti bingo.+
10 E yeke tatara ndo ti gbu mur ti da tongana awaziba;e ngbâ gï ti tatara ndo tongana azo so lê ti ala ayeke dä pëpe.+
E pika gere ti e na kota lâ mo bâ mo tene e yeke na ngoi so ndo aye ti vuko.Na popo ti azo so ayeke na nzoni terê e yeke tongana akuâ.
11 E kue e yeke dema tongana a-ours so atoto,nga e yeke dema na vundu tongana akolokoto.
E yeke ku fango ngbanga ti mbilimbili, me a yeke dä pëpe;e yeke ku salut, me lege ti salut ni ayo na e.
12 Ngangu-li ti e ayeke mingi na lê ti mo;+siokpari oko oko kue so e sara ayeke bi tënë na li ti e.+
E hinga so e sara ngangu-li;e hinga tënë ti asiokpari ti e nzoni mingi.+
13 E ke ndia nga e bere tënë ti Jéhovah;e tourné peko na Nzapa ti e.
E leke ti sara ye ti ngangu na zo nga ti sara ngangu-li na Nzapa.+E leke atënë ti mvene na yâ ti bê ti e, na e tene ni.+
14 A pusu sarango ye mbilimbili si a kiri na peko,+nga sarango ye na lege ni aluti yongoro kâ.+Tenengo tâ tënë* atï na sese awe na ando ti yâ ti kodro ni so azo ayeke gue ka dä mingi.Sarango ye na lege ni alingbi ti lï kâ pëpe.
15 Tenengo tâ tënë* agirisa biani biani awe,+na a yeke nzi zo kue so azia lege ti sarango sioni.
Jéhovah abâ ye ni so na a nzere na lo pëpe,*ndali ti so sarango ye mbilimbili ayeke dä pëpe.+
16 Tongana lo bâ so mbeni zo ti gbu koko ti ye ti mbilimbili ayeke dä pëpe,li ti lo akpe kue.
Tongaso maboko ti lo wani la aga na salut,*na mbilimbili ti lo amû na lo ngangu ti sara ye.
17 Tongaso, lo yü mbilimbili tongana bongo ti wen na kate ti lo nga lo yü casque tisalut* na li ti lo.+
Kiringo na zo peko ti sioni so lo sara aga tongana bongo ti lo,+na kota nzara ti lo ti sara si aye akiri na lege ni aga tongana kota bongo* so lo bi na terê ti lo.
18 Lo yeke sara si azo awara ye ti peko ti sarango ye ti ala:+
Lo yeke tuku ngonzo na ndö ti azo so ake lo, lo yeke punir awato ti lo.+
Ti azo ti azoa, lo yeke futa na ala ye so a doit ti mû na ala.
19 Azo so ayeke na mbage so lâ alinda dä ayeke kpe mbeto ti iri ti Jéhovah,na azo so ayeke na mbage so lâ asigi dä ayeke sara mbeto ndali ti gloire ti lo,ndali ti so Jéhovah ayeke lï tongana kota ngu so asua na ngangu,kota ngu so yingo ti lo apusu ni si asua.
20 Jéhovah atene: “Zo so afuta ye ti zi zo+ ayeke ga ande na Sion,+lo yeke ga na mbage ti ahale ti Jacob so azia lege ti kengo ndia.”+
21 Jéhovah atene: “Ti mbi, mbele so mbi te na ala+ ayeke so: Yingo ti mbi so ayeke na ndö ti ala nga na atënë ti mbi so mbi zia na yanga ti ala, zo ayeke zi ni pëpe na yanga ti ala, na yanga ti amolenge* ti ala nga na yanga ti atarä ti ala,* ti londo na lango ti laso ti gue na ni, lakue lakue,” tënë ti yanga ti Jéhovah la.
Akete tënë na terê ni
^ Wala “senge ye.”
^ Wala “Sarango ye na handa pëpe.”
^ Wala “Sarango ye na handa pëpe.”
^ Na Hébreu: “na a yeke sioni na lê ti lo.”
^ Wala “la asö benda.”
^ Wala “kota bongo so maboko ni ayeke dä pëpe.”
^ Wala “songo benda.”
^ Na Hébreu: “ngongoa.”
^ Na Hébreu: “ti ngongoa ti ngongoa ti ala.”
