1 aGbia 19:1-21
19 Na pekoni, Achab+ afa na Jézabel+ peko ti aye kue so Élie asara, nga tongana nyen la lo fâ aprophète kue na épée.+
2 Tongana Jézabel amä tënë so, lo tokua zo na Élie, lo tene: “Tongana kekereke, na oko l’heure so, mbi sara na mo mara ti ye so mo sara na aprophète so kue so pëpe,* zia anzapa apunir mbi ngangu!”
3 Na mango tënë so, mbeto asara Élie, na lo londo lo kpe ti bata fini* ti lo.+ Lo si na Béer-Shéba,+ mbeni gbata ti azo ti mara ti Juda,+ na lo zia wakua ti lo kâ.
4 Lo tambela lango oko na yâ ti benyama na lo ga lo duti na gbe ti keke ti genêt. Lo hunda ti kui. Lo tene: “Jéhovah, ti fadeso, ye ni ahon ndö ti mbi awe! Mû fini ti mbi;+ mbi hon akotara ti mbi so akui so na nyen?”
5 Lo tï na lango na gbe ti keke ti genêt ni. Me gï hio tongaso, mbeni ange aga andu lo,+ atene: “Londo mo te ye.”+
6 Tongana lo bâ ndo, lo bâ na mbage ti li ti lo mbeni mapa so ayeke ronde ronde so ayeke na ndö ti atênë so amû wâ ngangu nga na mbeni ta ti ngu. Lo te ye, lo nyon ye na lo kiri lo lango.
7 Ambeni ngoi na pekoni, ange ti Jéhovah akiri aga ti fani use ni, lo ndu lo, lo tene: “Londo mo te ye ndali ti so lege ni angbâ ti yo mingi.”
8 Tongaso, lo londo lo te ye nga lo nyon ye. Kobe so amû na lo ngangu si lo tambela lango 40 nga bï 40 juska lo si na Horeb, hoto ti tâ Nzapa.+
9 Kâ, lo lï na yâ ti mbeni dû ti tênë,+ na lo lango dä na bï ni so. Jéhovah ahunda lo, atene: “Élie, mo yeke sara nyen ge?”
10 Élie atene: “Jéhovah, Nzapa ti aturugu,+ tënë ti vorongo mo ason mbi mingi, ndali ti so azo ti Israël agirisa mbele+ ti mo, ala kungbi agbalaka ti mo na ala fâ aprophète ti mo na épée,+ gï mbi oko la mbi ngbâ. Ti fadeso, ala yeke gi ti zi fini* ti mbi.”+
11 Me lo tene na Élie, lo tene: “Sigi mo luti na ndö ti hoto na gbele Jéhovah.” Mo ye ti bâ, Jéhovah ayeke hon+ na devant ti lo, na mbeni kota pupu aya ngangu asuru yâ ti ahoto na akota tênë na gbele Jéhovah,+ me Jéhovah ayeke na yâ ti pupu ni pëpe. Na peko ti pupu ni, sese ayengi ngangu,+ me Jéhovah ayeke na yâ ni pëpe.
12 Na peko ti sese so ayengi so, wâ la ayeke dä,+ me Jéhovah ayeke na yâ ti wâ ni pëpe. Na peko ti wâ ni, lo mä mbeni go so asara tënë yeke nga na ngangu pëpe.+
13 Gï so Élie amä ni, lo mû bongo ti lo ti prophète lo kanga na lê ti lo+ na lo sigi lo gue lo luti na yanga ti dû ti tênë ni. Na pekoni mbeni go ahunda lo, atene: “Élie, mo yeke sara nyen ge?”
14 Élie atene: “Jéhovah, Nzapa ti aturugu, tënë ti vorongo mo ason mbi mingi, ndali ti so azo ti Israël agirisa mbele ti mo,+ ala kungbi agbalaka ti mo na ala fâ aprophète ti mo na épée, gï mbi oko la mbi ngbâ. Ti fadeso, ala yeke gi ti zi fini* ti mbi.”+
15 Jéhovah atene na lo: “Kiri, mo gue na yâ ti benyama ti Damas. Tongana mo si kâ, mo tuku mafuta na li ti Hazaël+ si lo ga gbia na ndö ti kodro ti Syrie.
16 Tuku nga mafuta na li ti Jéhu,+ tarä ti Nimshi, si lo ga gbia na ndö ti Israël. Mo doit nga ti zia Élisée,* molenge ti Shaphat, zo ti kodro ti Abel-Méholah, ti ga prophète na peko ti mo.+
17 Zo kue so épée ti Hazaël afâ lo pëpe,+ Jéhu la ayeke fâ lo;+ nga zo kue so épée ti Jéhu afâ lo pëpe, Élisée la ayeke fâ lo.+
18 Mbi yeke na ambeni zo 7 000 so angbâ na Israël+ so asara agenou na gbe ti Baal pëpe+ nga ala embrassé lo pëpe.”+
19 Tongaso, lo londo kâ lo gue lo wara Élisée, molenge ti Shaphat, so ayeke fâ yaka na abagara 24 so a kanga ala use use na terê ti mba. Lo yeke ti lo na peko, na terê ti andangba bagara ni use. Élie ague na terê ti lo na lo bi bongo ti lo ti prophète+ na ndö ti lo.
20 Na peko ti so Élie abi bongo ni na ndö ti Élisée, Élisée azia abagara ni, lo kpe lo gue na peko ti Élie na lo tene: “Pardon, zia mbi, mbi gue mbi su ngbangba ti babâ na mama ti mbi si. Na pekoni, mbi yeke mû peko ti mo.” Élie atene na lo: “Gue, mo kiri na yanga-da. Eskê mbi kanga lege na mo?”
21 Tongaso, Élisée akiri, lo mû abagara use lo mû ala na sandaga, lo mû keke so a kanga na go ti abagara ni lo sara na wâ si lo tö na nyama ti abagara ni. Lo mû ni na azo na ala te ni. Na pekoni, lo londo lo mû peko ti Élie, na lo komanse ti sara kua na lo.+
Akete tënë na terê ni
^ Wala “mbi sara si âme ti mo aga tongana âme ti ala so kue pëpe.”
^ Wala “âme.”
^ Wala “âme.”
^ Wala “âme.”
^ Ndani aye ti tene “Nzapa ayeke salut.”
