1 aGbia 6:1-38
6 Ngu 480 na peko ti so azo ti Israël asigi na Égypte,+ na yâ ti osio ngu ni so Salomon aga gbia na ndö ti Israël, lo komanse ti leke da ti Jéhovah.*+ Kua ni akomanse na nze ti Ziv*+ (so ti tene use nze ti ngu ni).
2 Yongo ti da so Gbia Salomon aleke ndali ti Jéhovah ayeke coudée* 60. Largeur ni ayeke coudée 20. Nga yongo ni na nduzu ayeke coudée 30.+
3 Yongo* ti véranda+ so ayeke na devant ti temple* ni ayeke coudée 20, a lingbi na largeur ti temple ni.* Ti londo na yanga ti véranda ni ti si na yanga-da ti temple ni ayo coudée 10.
4 Na terê ti da ni, lo zia afenêtre so acadre*+ ni ayeke pendere mingi.
5 Lo leke akete da+ ota so ayeke na ndö ti terê so angoro terê ti amur ti temple* ni nga na ti Ndo so ayeke nzoni kue kue kue.+
6 Largeur ti kozo da ni so ayeke na gbe ni ayeke coudée oku. Largeur ti use da ni so ayeke na ndö ti kozo da ni ayeke coudée omene. Nga largeur ti ota da ni so ayeke na ndö ti use da ni ayeke coudée mbasambala. Largeur ti mur ti ota da ni akono ahon ti use ni, ti use ni akono ahon ti kozo ni. A leke ni tongaso ti tene mbeni ye alï na yâ ti mur ti temple ni pëpe.+
7 A leke da ni na akota tênë so a leke terê ni kozo awe,+ tongaso si na ngoi so a yeke sara da ni, a mä pëpe go ti marteau wala dö wala mbeni gbakuru so a leke na wen.
8 Yanga ti kete da so ayeke na gbe ni ayeke na mbage ti sud* ti kota da ni.+ Ti londo na kete da ti gbe ni so ti monté na use da ni, zo ayeke monté mbeni escalier so angoro ngorongo. Ti londo na use da ni ti monté na ota da ni, zo ayeke monté nga mbeni escalier so angoro ngorongo.
9 Lo leke da ni ngbii ahunzi,+ na lo pika li ni na angbongboro keke ti cèdre nga na asenge planche ti cèdre.+
10 Lo leke akete da ota so angoro terê ti da ni kue.+ Yongo ti da oko oko na nduzu ayeke coudée oku, nga akeke ti cèdre so ayeke na li ti ada ni oko oko so la atingbi ni na temple ni.
11 Na ngoi so Salomon angbâ ti leke da ni, Jéhovah atene na lo:
12 “Âdu ti da so mo yeke leke so, tongana mo bata andia, ambela nga na acommandement ti mbi kue,+ mbi nga kue mbi yeke sara ye na mo alingbi na zendo so mbi mû lani na babâ ti mo David,+
13 nga mbi yeke duti na popo ti azo ti Israël,+ na mbi yeke girisa azo ti mbi, azo ti Israël, pëpe.”+
14 Salomon angbâ ti leke da ni ngbii ti tene ahunzi.
15 Amur ti yâ ti da ni, lo leke ni na aplanche ti cèdre. Lo pika aplanche na terê ti amur ti yâ ti da ni, a londo na sese juska na plafond. Sese ti yâ ti da ni, lo leke na aplanche ti genévrier.+
16 Lo leke mbeni kubu na yâ ti da ni na mbage ti ngbonda ni kâ. Côté ni oko oko ayo coudée 20. Lo leke terê ti mur ti yâ ti kubu ni so kue na keke ti cèdre, a londo na sese juska na plafond. Kubu+ ni so* la aga Ndo so ayeke nzoni kue kue kue.+
17 Nga temple*+ ni, so ti tene mbage ti da ni so ayeke na devant ti kubu ni so, ayo coudée 40.
18 A dë adessin ti kangu+ nga na ti afleur so yâ ni azi awe+ na terê ti mur ti yâ ti da ni so a leke ni na keke ti cèdre so. Yâ ti da ni kue ayeke gï keke ti cèdre; mo yeke bâ tênë pëpe.
19 Lo leke yâ ti Ndo so ayeke nzoni kue kue kue,+ ti tene a zia sanduku ti mbele ti Jéhovah dä.+
20 Yongo ti ndo ni so ayeke coudée 20, largeur ni ayeke coudée 20 nga yongo ni na nduzu ayeke coudée 20.+ Lo mû lor ti nzoni ni lo sara na terê ti mur ti ndo ni, nga lo kanga terê ti gbalaka ni kue+ na keke ti cèdre.
21 Salomon azia lor so saleté ayeke dä pëpe+ na terê ti mur ti yâ ti da ni kue. Lo kanga nga chaîne ti lor na devant ti Ndo so ayeke nzoni kue kue kue,+ so terê ti mur ti yâ ni kue ayeke gï lor.
22 Lo zia lor na terê ti mur ti yâ ti da ni kue juska da ni ahunzi. Même gbalaka+ so ayeke nduru na Ndo so ayeke nzoni kue kue kue so, lo kanga terê ni kue na lor.
23 Lo leke achérubin use+ na keke ti pin,* lo zia ala na yâ ti Ndo so ayeke nzoni kue kue kue. Chérubin oko oko ayo coudée 10.+
24 Mbeni kpangbi oko ti mbeni chérubin ni ayo coudée oku, nga mbage ni ayo coudée oku. Ti londo na mbeni yanga ti kpangbi ni oko ti si na mbeni yanga ti kpangbi ni, yongo ni ayeke coudée 10.
25 Use chérubin ni nga kue ayo coudée 10. Konongo ti achérubin ni use kue alingbi terê, nga ala kpa terê.
26 Yongo ti chérubin oko na nduzu ayeke coudée 10, ti mba ti lo ni kue ayeke nga tongaso.
27 Lo zia achérubin ni+ na yâ ti kubu so ayeke na ngbonda ni kâ.* Yâ ti kpangbi ti achérubin ni azi, a sara si mbeni kpangbi ti mbeni chérubin ni andu mur nga mbeni kpangbi ti mbeni chérubin ni nga andu mur. Atanga ti akpangbi ti ala ni andu terê na milieu ti da ni.
28 Lo zia lor na terê ti achérubin ni.
29 Lo dë dessin ti achérubin,+ ti akeke ti mbûrü+ nga na ti afleur so yâ ni azi awe+ na terê ti mur ti yâ ti da ni kue, so ti tene akubu ni use kue.*
30 Lo zia lor na ndö ti sese ti yâ ti akubu ni use kue.
31 Lo sara ayanga-da ti lingo na yâ ti Ndo so ayeke nzoni kue kue kue na keke ti pin. Lo sara nga apilier mbage na mbage nga na linteau na ndö ti apilier ni. A sara ni tongana oku mbage ti da ni.*
32 A sara ayanga-da use so na keke ti pin nga lo dë na terê ni adessin ti achérubin, ti akeke ti mbûrü nga na ti afleur so yâ ni azi. Lo zia lor na terê ti aye so kue. Lo zia lor na ndö ti adessin ti achérubin nga na akeke ti mbûrü ni.
33 Âdu ti yanga ti temple* ni, lo sara ni nga gï tongana ti yanga ti Ndo so ayeke nzoni kue kue kue. Lo sara linteau ni na keke ti pin, na a yeke mbeni mbage ti mbage osio ti da ni.*
34 Lo sara ayanga-da use na keke ti genévrier. Ayanga-da ni oko oko ayeke na alê ti porte use, na ala use kue zo alingbi ti pusu ni na mbage ti yâ ni wala na mbage ti gigi.+
35 Lo dë na terê ti alê ti porte ni adessin ti achérubin, ti akeke ti mbûrü nga na ti afleur so yâ ni azi. Lo zia lor na ndö ti adessin ni so.
36 Lo mû atênë so a dë terê ni pendere nga na akota keke ti cèdre lo sara na gbagba ti lacour+ ti terê ti temple ni. A sara gbagba ni na molongo ti atênë ota na ndö ti terê, nga a zia akota keke ti cèdre ni na ndö ni.+
37 A komanse ti leke gere ti da+ ti Jéhovah na yâ ti osio ngu ni ti komandema ti Salomon, na nze ti Ziv.*
38 Na yâ ti ngu 11 ni, na nze ti Bul* (so ti tene nze miombe ni), akete kete kua ti da ni kue ahunzi, a lingbi na plan ni.+ Tongaso, lo mû ngu mbasambala ti sara na da ni.
Akete tënë na terê ni
^ Wala “Largeur.”
^ Na Hébreu: “temple ti da.”
^ Wala “yongo ti véranda ni so atingbi na largeur ti temple ni ayeke coudée 20.”
^ Acadre ni so akono na mbage ti gigi, me ti gue na yâ ni, a kiri kete.
^ Ge, a ye ti sara tënë ti Ndo so ayeke nzoni-kue.
^ Na Hébreu: “na mbage ti koli.”
^ So ti tene yâ ti da ni.
^ So ti tene Ndo so ayeke nzoni-kue, so ayeke na devant ti Ndo so ayeke nzoni kue kue kue.
^ Na Hébreu: “keke so a yeke mû ni ti sara na mafuta,” peut-être keke ti pin so a iri ni Alep.
^ So ti tene Ndo so ayeke nzoni kue kue kue.
^ Na Hébreu: “kubu so ayeke na yâ ni kâ nga na ti so ayeke na devant ni.”
^ Peut-être a ye ti sara tënë ti cadre ti porte so a leke ni, wala konongo ti aporte ni.
^ Ge, a ye ti sara tënë ti Ndo so ayeke nzoni-kue.
^ Peut-être a ye ti sara tënë ti cadre ti porte so a leke ni, wala konongo ti aporte ni.
