2 Samuel 22:1-51
22 David atene na Jéhovah atënë ti yâ ti bia so+ na lango so Jéhovah azi lo na tïtî awato ti lo kue+ nga na tïtî Saül.+
2 Lo tene:
“Jéhovah ayeke tênë ti mbi so ayo na nduzu, ngangu gbagba ti mbi+ nga Zo so azi mbi.+
3 Nzapa ti mbi ayeke kota tênë+ so mbi kpe dä ti bata terê ti mbi,lo yeke vala ti mbi,+ ngangu sauveur* ti mbi nga nzoni ndo ti batango terê ti mbi.*+
Lo yeke ndo so mbi yeke kpe ti gue dä,+ sauveur ti mbi;+ lo la lo sö mbi na yâ ti aye ti ngangu.
4 Mbi iri ndo na Jéhovah, lo so lo lingbi na gonda,na lo yeke sö mbi na tïtî awato ti mbi.
5 Amapo ti kuâ angoro mbi kue;+azo so li ti ala ayeke dä pëpe, so ayeke tongana ngu so asuku, azia kota mbeto na yâ ti mbi.+
6 Akamba ti Dû ti kuâ* angoro mbi;+agbanda ti kuâ ayeke na devant ti mbi.+
7 Na yâ ti vundu ti mbi, mbi iri ndo na Jéhovah,+mbi ngbâ ti iri ndo na Nzapa ti mbi.
Lo mä go ti mbi na yâ ti temple ti lo;toto so mbi toto ti tene lo mû maboko na mbi so atï na mê ti lo.+
8 Sese akomanse ti dö na ayeke yengi mbage na mbage;+gere ti yayu ayengi,+nga a yengi mbage na mbage ndali ti so a zia ngonzo na bê ti lo.+
9 Guru asigi na hôn ti lo,na wâ so agbi ye asigi na yanga ti lo;+charbon so amû wâ ngangu alondo na lo.
10 Lo sara si yayu aba na ngoi so lo yeke descend,+na bingo so avuko ngangu ayeke na gbe ti gere ti lo.+
11 Lo duti na ndö ti mbeni chérubin+ na lo yeke huru ti ga.
A bâ lo na ndö ti kpangbi ti mbeni yingo.*+
12 Na pekoni, lo sara si bingo angoro lo tongana mbeni ndo so zo aduti dä ti bata terê ti lo,+lo yeke na yâ ti ambinda ti ngu so avuko nga so ane.
13 Na yâ ti lumière so aza na gbele lo, charbon so amû wâ mingi aza.
14 Na yayu, go ti Jéhovah akomanse ti toto tongana bekpa;+Lo so ayeke na nduzu na ndö ti aye kue asara si azo amä go ti lo.+
15 Lo pika alê ti kokora ti lo,+ na yâ ti awato ti lo akangbi kirikiri;lo za tongana wâ ti bekpa, na lo sara si li ti ala aga kirikiri.+
16 A bâ gbe ti ngu-ingo polele,+a bâ gere ti sese polele ndali ti so Jéhovah asuku ngangu,nga ndali ti so pupu asigi na hôn ti lo.+
17 Lo ngbâ kâ na nduzu, lo yôro maboko ti lo;lo gbu mbi na gbe ti ngu so alï, lo gboto mbi na gigi.+
18 Lo sö mbi na tïtî wato ti mbi so ayeke ngangu,+lo sö mbi na tïtî azo so ake mbi, ala so ayeke ngangu ahon mbi.
19 Ala londo na terê ti mbi na lâ ni so ye ti vundu asi na mbi,+me Jéhovah amû maboko na mbi.
20 Lo gue na mbi na mbeni ndo so ayeke nzoni;*+lo sö mbi ndali ti so mbi sara ye so anzere na lo.+
21 Jéhovah afuta mbi alingbi na mbilimbili ti mbi;+lo futa mbi alingbi na maboko ti mbi so avuru,+
22 ndali ti so mbi ngbâ na alege ti Jéhovah,nga mbi sara ye ti sioni pëpe, so ayeke ti zia Nzapa ti mbi.
23 Ambela ti lo kue+ ayeke na gbele mbi,nga mbi yeke hon nde na andia ti lo pëpe.+
24 Tënë ayeke duti ande na li ti mbi na gbele lo pëpe,+na mbi yeke sara ande faute pëpe.+
25 Zia si Jéhovah afuta mbi alingbi na mbilimbili ti mbi,+a lingbi na maboko ti mbi so avuru na gbele lo.+
26 Zo so ayeke be-ta-zo, mo yeke be-ta-zo na lo;+zo so ayeke na ngangu si tënë ayeke na li ti lo pëpe, mo sara ye na lo na lege ni;+
27 zo so asara ye na saleté pëpe, mo sara ye na lo na saleté pëpe;+me na zo ti kirikiri, mo sara ye na mayele.*+
28 Mo sö azo so asara terê ti ala kete,+me mo ke azo ti fandara nga mo sara si ala ga kete.+
29 Jéhovah, mo la mo yeke lampe ti mbi;+Jéhovah la asara si wâ aza na yâ ti bingo so angoro mbi.+
30 Na ngangu ti mo, mbi lingbi ti sara bira na azo so ayeke gbu ka aye ti azo na ngangu;na ngangu ti Nzapa, mbi lingbi ti huru gbagba.+
31 Lege ti tâ Nzapa ayeke mbilimbili-kue;+ye ti sioni ayeke na yâ ti tënë ti Jéhovah pëpe.+
Lo yeke vala ti azo kue so akpe na mbage ti lo ti bata terê ti ala.+
32 Nde na Jéhovah, mbeni Nzapa ayeke dä?+
Nde na Nzapa ti e, mbeni kota tênë ayeke dä?+
33 Tâ Nzapa ayeke ngangu gbagba ti mbi,+na lo yeke sara si lege ti mbi aga mbilimbili-kue.+
34 Lo sara si gere ti mbi aga tongana gere ti lekpa;lo sara si mbi luti na ando so ayeke na nduzu.+
35 Lo fa na mbi kode ti tiringo bira na maboko ti mbi;maboko ti mbi alingbi ti gboto yâ ti kokora so a sara ni na cuivre.
36 Mo sö mbi na vala ti mo,nga so mo sara terê ti mo kete, a sara si mbi ga kota.+
37 Mo sara si lê ti lege so mbi tambela dä akono,tongaso si mbi glissé pëpe.+
38 Mbi yeke tomba peko ti awato ti mbi, na mbi yeke fâ ala kue;mbi yeke kiri pëpe juska mbi hunzi ala kue si.
39 Mbi yeke hunzi ala kue na mbi yeke neka yâ ti ala, tongaso si ala londo pëpe;+ala yeke tï na gbe ti gere ti mbi.
40 Mo yeke mû na mbi ngangu si mbi tiri bira na ni;+mo yeke sara si awato ti mbi atï na gbe ti mbi.+
41 Mo yeke sara si awato ti mbi so aga ti tiri na mbi azi terê ti ala, ala hon;+azo so ake mbi, mbi yeke hunzi* ala kue.+
42 Ala toto ti hunda mungo maboko, me mbeni zo ti sö ala ayeke dä pëpe;ala toto même na Jéhovah, me lo kiri tënë na ala pëpe.+
43 Mbi yeke neka yâ ti ala si ala ga tongana fuku ti sese;mbi yeke neka yâ ti ala nga mbi yeke dö yâ ti ala tongana popoto na ndö ti lege.
44 Mo yeke zi mbi na tïtî azo ti mara ti mbi so akasa mbi.+
Mo yeke bata mbi si mbi komande na ndö ti amara.+
Azo so mbi hinga ala pëpe ayeke sara ande kua na mbi.+
45 Terê ti awande ayeke dö na mbeto na ngoi so ala ga na devant ti mbi;+tënë so ala mä na ndö ti mbi ayeke sara si ala mä yanga ti mbi.*
46 Bê ti awande ayeke woko kue;*terê ti ala ayeke dö ande dongo na ngoi so ala sigi na yâ ti angangu gbagba ti ala.
47 Jéhovah ayeke na fini! Zia a sepela Kota tênë ti mbi!+
Zia a gonda Nzapa, Kota tênë ti salut ti mbi.+
48 Sioni so azo asara na mbi, tâ Nzapa akiri peko ni na ala;+lo zia azo na gbe ti mbi.+
49 Lo zi mbi na tïtî awato ti mbi.
Mo zia mbi na nduzu+ na ndö ti azo so atiri na mbi;mo sö mbi na tïtî zo so asara ye ti ngangu na zo.+
50 Ndani la, Jéhovah, mbi yeke mû merci na mo na popo ti amara,+na mbi yeke he bia* ti sepela iri ti mo.+
51 Lo sara akota ye ti sö* zo so lo zia lo gbia;+lo fa tâ ndoye na zo ti lo so lo soro lo,na mbage ti David na ahale* ti lo lakue lakue.”+
Akete tënë na terê ni
^ Na Hébreu: “didi ti salut.” Bâ na kete bakari.
^ Wala “nzoni ndo ti batango terê so ayeke na nduzu.”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Wala “ti pupu.”
^ Wala “ndo so akono.”
^ A lingbi nga ti tene “mo sara ye tongana zo so li ti lo ayeke dä pëpe.”
^ Na Hébreu: “kanga yanga ti.”
^ Na Hébreu: “gï so mê ti ala amä, ala yeke mä yanga ti mbi.”
^ Wala “Ngangu ti awande ayeke hunzi.”
^ Wala “pika mozoko.”
^ Wala “Lo mû akota songo benda na.”
^ Na Hébreu: “ngongoa.”
