Michée 1:1-16
1 So ayeke tënë ti Jéhovah so lo tene na Michée*+ zo ti kodro ti Morésheth, na ngoi ti Jotham,+ Achaz+ na Ézéchias+ so ayeke agbia ti Juda;+ lo fa tënë ni na Michée na yâ ti mbeni vision so andu Samarie na Jérusalem:
2 “Ala azo ti amara kue, ala mä tënë so!
Sese nga na aye kue so ayeke na ndö ni, ala dengi mê ti ala, ala mä si!Zia Jéhovah, Seigneur ti dunia kue, aga zo so ayeke bi tënë na li ti ala,+Jéhovah so ayeke na yâ ti temple ti lo so ayeke nzoni-kue.
3 Bâ, Jéhovah ayeke londo na ndo so lo duti dä so ti sigi.Lo yeke descend ande ti tambela na ando so ayeke na nduzu na ndö ti sese.
4 Ahoto ayeke mû wâ aga ngu na gbe ti lo,+yâ ti apopo-hoto* ayeke suru usetongana cire na terê ti wâ,tongana ngu so a tuku na ndö ti hoto si ayeke sua ti descend na gbe ni.
5 Aye so kue asi ndali ti kpengba-li ti Jacob,ndali ti asiokpari ti ahale ti Israël.+
Zo wa la asara si li ti Jacob akpengba zo wa?
A yeke Samarie ape?+
Zo wa la asara si ando so ayeke na nduzu ayeke na Juda?+
A yeke Jérusalem ape?
6 Mbi yeke sara ande si Samarie aga mbeni ndo so a wara gï afango da na ndö ni,mbeni ndo ti tene a lu akeke ti vigne dä.Mbi yeke tuku atênë ti gbata ni kirikiri na yâ ti popo-hoto,mbi yeke sara si afondation ti lo angbâ gï tongaso na sese.
7 Ayanda ti lo so a leke ni na kode, a yeke neka ande yâ ni kue,+amatabisi* kue so lo wara na lege ti nginza ti sarango ndumba so, a yeke gbi ni na wâ.+
Mbi yeke futi ande ayanda ti lo kue.
Ngbanga ti so lo wara aye so na lege ti nginza ti sarango ndumba,a yeke kiri ti ga ande futa ti ambeni wali-ndumba nde.”
8 Ndali ti ye so, mbi yeke toto nga mbi yeke dekongo ti dema terê ti mbi.+Mbi yeke tambela ande gere senge nga terê senge.*+
Toto ti mbi ayeke duti ande tongana toto ti ambo ti ngonda,*na mbi yeke sara vundu tongana a-autruche.*
9 Ndali ti so kä ti Samarie alingbi ti mü pëpe;+A si juska na Juda.+
Sioni kobela ni ague juska na yanga ti gbagba ti gbata ti azo ti mbi, juska na Jérusalem.+
10 “Ala fa tënë ni na yâ ti Gath pëpe,ala toto oko pëpe.
Na Beth-Aphrah,* ala kpaka terê ti ala na yâ ti fuku ti sese.
11 Ala, azo ti kodro ti Saphir, ala mû lege ala hon terê senge na kamene na lê ti ala.
Azo ti kodro ti Zaanan asigi na gigi pëpe.
A yeke mä ande toto na Beth-Ézel, na a yeke mû ande maboko na ala pëpe.
12 Azo ti kodro ti Maroth aku ti wara ye ti nzoni,me ye ti sioni la alondo na mbage ti Jéhovah asi na yanga ti gbagba ti Jérusalem.
13 Azo ti kodro ti Lakish,+ ala kanga puse ti mbarata na terê ti ambarata ni.
Ala la asara si molenge-wali ti Sion asara lani siokpari,ngbanga ti so mo sara kpengba-li tongana ti azo ti Israël.+
14 Ndani la, mo yeke mû ande amatabisi na Morésheth-Gath na ngoi so lo yeke londo ti hon biani biani.
Ada so ayeke na yâ ti gbata ti Aczib+ ayeke lani mbeni ye so ahanda agbia ti Israël.
15 Ala, azo ti kodro ti Maréshah,+ mbi yeke kiri ti ga ande na mbeni zo so ayeke mû kodro ti ala ni na ngangu.+
Gloire ti Israël ayeke gue ande juska na Adullam.+
16 Mo kpaka kuä ti li ti mo, nga mo fâ ndö ti kuä ti li ti mo ndali ti amolenge ti mo so mo ye ala mingi so.
Mo kpaka kuä ti li ti mo si aga tongana ti aigle so amboko kue so,ngbanga ti so a gbu amolenge ti mo ni na terê ti mo a gue na ala yongoro na mbeni kodro-wande awe.”+
Akete tënë na terê ni
^ So mbeni nduru iri ti “Michel” wala “Micaïah” la, ndani aye ti tene “Zo wa la ayeke tongana Jéhovah?”
^ Wala “akpangbala ndo.”
^ Wala “futa.”
^ Wala “anaamo,” mbeni kota ndeke.
^ Wala “achacal.”
^ Wala “mbi yü mbeni kete bongo.”
^ Wala “na yâ ti da ti Aphrah.”
