Michée 4:1-13
4 Na andangba lango ni,*hoto so da ti Jéhovah ayeke na ndö ni+ayeke luti nganganga na ayo ahon tanga ti ahoto,a yeke yo na nduzu ahon li ti akete hoto,na azo ti amara kue ayeke kungbi ti gue kâ tongana ngu so ayeke sua.+
2 Amara mingi ayeke gue, na ala yeke tene:
“Ala ga, e monté na hoto ti Jéhovah,e gue na da ti Nzapa ti Jacob.+
Lo yeke fa alege ti lo na e,na e yeke tambela na ndö ti alege ti lo.”
Ndia* ayeke sigi ande na Sion si amû ndo,na tënë ti Jéhovah ayeke sigi na Jérusalem si amû ndo.
3 Lo yeke sara kua ti juge na popo ti azo ti amara mingi,+nga lo yeke sara si aye akiri na lege ni na popo ti angangu mara so ayeke na yongoro ndo.
Ala yeke pika a-épée ti ala si aga alê ti kpoka ti charruenga ala yeke pika alikongo ti ala si aga azembe ti fango na amaboko ti keke.+
Mara ayeke mû épée na terê ti mbeni mara pëpe,nga ala yeke manda sarango bira encore ape.+
4 Zo oko oko ayeke duti* ande na gbe ti keke ti vigne ti lo nga na gbe ti keke ti figue ti lo,+zo oko ayeke zia mbeto na yâ ti ala pëpe.+
Tënë so asigi na yanga ti Jéhovah ti aturugu la.
5 Amara oko oko kue ayeke tambela na iri ti anzapa ti ala,me ti e, e yeke tambela ande na iri ti Jéhovah Nzapa+ ti e lakue lakue nga kpu na kpu.
6 Jéhovah atene: “Na lango ni so,mbi yeke bungbi ande ala* so aboité,mbi yeke bungbi na ndo oko ala so yâ ti ala akangbi lani kirikiri,+legeoko na azo so mbi sara lani ye ti ngangu na ala.
7 Ala so aboité so, mbi yeke sara ande si ala ga tanga ti azo so angbâ na fini,+nga ala so ayeke yongoro kâ so, mbi yeke sara si ala ga mbeni ngangu mara.+
Jéhovah ayeke komande tongana gbia na ndö ti ala na Hoto ti Sion,ti londo na lango ti laso ti gue na ni, lakue lakue.
8 Ti mo, mo so mo yeke tongana tour ndali ti ataba ni,tongana kete hoto ndali ti molenge-wali ti Sion,+komandema ni ayeke kiri na mo, kozo* komandema ni so ayeke kiri na mo,+royaume ni ayeke ga ti gbata ti Jérusalem.+
9 Fadeso, ngbanga ti nyen la si mo yeke dekongo ngangu tongaso?
Mo yeke na gbia ape?
Wala zo ti mungo wango na mo akui awe,si mo yeke bâ pasi tongana pasi ti wali so angbâ ti dü molenge so?+
10 Mo molenge-wali ti Sion, zia yâ ti terê ti mo ason na mo demamo bâ mo tene wali so angbâ ti dü molenge,ndali ti so mo yeke londo fadeso na yâ ti gbata ni ti gue ti sara kodro na ngonda.
Mo yeke gue juska na Babylone;+kâ a yeke sö mo ande;+Jéhovah ayeke kiri ti vo mo kâ na tïtî awato ti mo ti kiri na mo.+
11 Fadeso, amara mingi ayeke bungbi ande ti ke mo;ala yeke tene: ‘Zia a sara si lo ga ye ti saleté,zia lê ti e abâ ye ni so ayeke si na Sion so.’
12 Me ala hinga ye so ayeke na bê ti Jéhovah pëpe,ala hinga pëpe ye so lo leke na bê ti lo ti sara;*ndali ti so lo yeke bungbi ala ande tongana lê ti kobe so a fâ ni fini fini si a bungbi ni na ndo so a yeke pika lê ti kobe dä.
13 Ala azo ti Sion,+ ala londo ala gue apika lê ti kobe ni;ndali ti so mbi yeke sara si adidi ti ala aga wen,ali ti gere ti ala so ayeke tongana ti abagara, mbi yeke sara si a ga cuivre,ala yeke neka azo ti amara mingi.+
Ala yeke mû aye so azo ti amara ni so awara na lege ti likisi, ala mû ni na Jéhovah,ala yeke mû aye ti mosoro ti amara ni so, ala mû ni na tâ Seigneur ti sese kue.”+
Akete tënë na terê ni
^ Wala “Na lâ ti nda ni.”
^ Wala “Fango ye.”
^ Wala “sara kodro.”
^ Na Hébreu: “lo.”
^ Wala “ngbene.”
^ Wala “ala hinga nda ti wango ti lo pëpe.”
