Osée 12:1-14
12 “Éphraïm anyon pupu.
Lo mû peko ti pupu ti est na yâ ti lango ni kue.
Lo sara si mvene na sarango ye ti ngangu ahon ndö ni.
Lo te mbele na Assyrie,+ na ala gue na mafuta na Égypte.+
2 Jéhovah ayeke na tënë na Juda;+lo yeke hunda Jacob ti kiri tënë ndali ti asarango ye ti lo.Lo yeke futa lo alingbi na aye so lo sara.+
3 Lo gbu talon ti ita ti lo ti koli na ngoi so ala ngbâ na yâ ti mama ti ala;+na lo mû ngangu ti lo kue, lo tiri na Nzapa.+
4 Lo tiri na ange ngbii, na lo sö benda.
Lo toto, na lo voro yanga na lo ti sara nzoni bê na lo.”+
Nzapa awara lo na Béthel, na Nzapa asara tënë ti e kâ,+
5 Jéhovah Nzapa ti aturugu;+Jéhovah ayeke iri ti lo so ayeke dabe ti azo na lo.*+
6 “Tongaso, kiri na Nzapa ti mo;+ngbâ ti fa tâ ndoye nga na mbilimbili,+
nga ngbâ lakue ti ku Nzapa ti mo.
7 Kilo ti mvene ayeke na maboko ti zo ti kango ye;*
lo ye sarango ye ti likisi.+
8 Éphraïm angbâ ti tene: ‘Mbi ga zo ti mosoro awe;+Mbi wara mosoro awe.+
Na yâ ti angangu kua kue so mbi sara, a yeke wara mbeni sioni ye wala mbeni siokpari dä pëpe.’
9 Ngbene ye na kodro ti Égypte, mbi yeke Jéhovah Nzapa ti mo.+
Mbi yeke sara si mo kiri mo lango na yâ ti atente,tongana ti ngoi so a leke ti tene azo awara terê.*
10 Mbi sara tënë na aprophète,+mbi sara si ala kiri abâ gbâ ti aye so ayeke tongana abango li,nga mbi tene atoli na lege ti aprophète.
11 Handango zo* nga na mvene amû yâ ti Galaad.+
Na Guilgal, azo ayeke mû akoli-bagara na sandaga,+nga agbalaka ti ala ayeke tongana gbâ ti afango da na yâ ti adû so a suru ni na charrue.+
12 Jacob akpe ague na kodro* ti Aram;*+Israël+ asara kua ndali ti wali,+nga ndali ti wali, lo bata ataba.+
13 Na lege ti prophète, Jéhovah azi Israël na Égypte;+na lege ti prophète, a bata Israël lani.+
14 Éphraïm ason bê ti Nzapa ngangu.+Ngbanga ti mênë so lo tuku angbâ na li ti lo.Seigneur ti lo ayeke futa lo ande ndali ti zonga so lo ga na ni na ndö ti lo.”+
Akete tënë na terê ni
^ Wala “so a lingbi azo adabe ti ala na ni.”
^ Wala “zo ti dengo buze.”
^ A lingbi nga ti tene “ngoi ti matanga.”
^ Wala “Sarango ye ti ndima.”
^ Wala “Syrie.”
^ Na Hébreu: “benyama.”
