Apocalypse 10:1-11
10 Na pekoni, mbi bâ mbeni ngangu ange ni nde so alondo na yayu aga, lo yü mbinda na terê ti lo, na mbeni arc-en-ciel ayeke na ndö ti li ti lo; lê ti lo ayeke tongana lâ,+ na agere ti lo ayeke tongana apilier so akpa wâ.
2 Lo gbu na yâ ti maboko ti lo mbeni kete rouleau so a zi yâ ni awe. Lo zia gere ti lo ti koli na ndö ti ngu-ingo na lo zia gere ti lo ti wali na ndö ti sese,
3 lo dekongo na kota go mo bâ mo tene mbeni bamara si ayeke dekongo.+ So lo dekongo, abekpa mbasambala+ asara tënë.
4 Tongana abekpa mbasambala ni asara tënë awe, mbi ye ti sû tënë ni na mbeti; me mbi mä mbeni go so alondo na yayu+ atene: “Atënë so abekpa mbasambala so atene, kanga ni tongana ti so a kpo nzoroko dä me mo sû ni na mbeti pëpe.”
5 Ange so mbi bâ lo fade lo luti na ndö ti ngu-ingo nga na ndö ti sese so, lo yô maboko ti lo ti koli na nduzu,
6 lo deba na iri ti lo so ayeke na fini lakue lakue nga kpu na kpu,+ lo so asara yayu na aye so ayeke na yâ ni, sese na aye so ayeke na yâ ni, ngu-ingo na aye so ayeke na yâ ni,+ lo tene: “Tënë ti kungo ni ayeke dä mbeni pëpe.
7 Me na alango ti totongo ti trompette ti mbasambala ange ni,+ so aleke terê ti lo ti hûru trompette ti lo,+ tënë so Nzapa ahonde ndani+ so Lo fa ni tongana nzoni tënë na angbâa ti lo aprophète,+ a yeke ga ande tâ tënë biani.”
8 Na go so mbi mä ni fade na yayu+ akiri asara tënë na mbi, atene: “Gue, mo mû rouleau so a zi yâ ni awe so, so ange so aluti na ndö ti ngu-ingo nga na ndö ti sese agbu ni na maboko ti lo so.”+
9 Mbi gue na terê ti ange ni, mbi tene na lo ti mû na mbi kete rouleau ni so. Ange ni atene na mbi: “Mû ni mo te,+ a yeke sara ande si yâ ti mo ase sengo, me a yeke nzere na yanga ti mo tongana mafuta ti otoro.”
10 Mbi mû kete rouleau ni so ayeke na maboko ti ange ni mbi te,+ a nzere na yanga ti mbi tongana mafuta ti otoro,+ me so mbi te ni awe, a sara si yâ ti mbi ase sengo.
11 Ala tene na mbi: “Mo doit ti kiri ti fa tënë ti prophétie na ndö ti azo, amara, azo ti yanga ti kodro nde nde nga na agbia mingi.”
