aProverbe 15:1-33
15 Ti kiri tënë na zo na ngangu pëpe* asara si ngonzo adë,+me tënë so ason bê asara si ngonzo alondo.+
2 Yanga ti azo ti ndara asara kua nzoni na hingango ye,+me yanga ti azo ti buba asigi na tënë ti buba hio hio.
3 Lê ti Jéhovah ayeke na ndo kue,lo yeke bâ azo ti sioni nga na azo ti nzoni.+
4 Yanga so asara tënë yeke* ayeke keke ti fini,+me tënë ti kirikiri amû kota vundu na zo.*
5 Zo ti buba azere tënë so babâ ti lo atene ti fa lege na lo,+me zo so lê ti lo ahan ayeda ti tene a kiri na lo na nzoni lege.*+
6 Gbâ ti mosoro ayeke na yâ ti da ti azo ti mbilimbili,me lengo ti ye ti zo ti sioni* aga na lo kpale.+
7 Yanga ti azo ti ndara asara si hingango ye amû ndo,+me bê ti zo ti buba asara tongaso pëpe.+
8 Sandaga ti azo ti sioni ayeke sioni mingi na lê ti Jéhovah,+me sambela ti azo ti mbilimbili anzere na Lo.+
9 Jéhovah ake lege so zo ti sioni amû,+me lo ye zo so agi peko ti mbilimbili.+
10 Na lê ti zo so azia nzoni lege, ngangu so a sara ti fa lege na lo ayeke sioni;*+me zo so ake ti tene a suku na lo ayeke kui.+
11 Asingana Dû ti kuâ* nga na ndo so ye afuti dä* so ayeke polele na lê ti Jéhovah,+si ye so ayeke na yâ ti bê ti azo ayeke polele na lê ti lo ape?+
12 Zo ti hengo ndo aye pëpe zo so agi ti kiri na lo na nzoni lege.*+
Lo yeke gi wango na yanga ti azo ti ndara pëpe.+
13 Bê ti zo so ayeke na ngia asara si lê ti lo ayeke na ngia,me vundu asara si bê ti zo anze kue.*+
14 Bê ti zo so ahinga ndo agi ti hinga ye,+me ti azo ti buba, ye ti buba la ayeke kobe ti ala.*+
15 Ti zo so ayeke bâ pasi, alango ti lo kue ayeke gï sioni,+me zo so bê ti lo ayeke na ngia* ayeke lakue na yâ ti matanga.+
16 A yeke nzoni ti duti na ye kete nga ti kpe mbeto ti Jéhovah+ahon ti duti na gbâ ti mosoro nga na gingo bê* na terê ni.+
17 A yeke nzoni ti te kugbe ti kasa na ndo so ndoye ayeke dä+ahon ti te bagara ti mafuta na ndo so kengo terê ayeke dä.+
18 Zo so bê ti lo ayeke wâ wâ wâ asara si tiri alondo,+me zo so asara ngonzo hio pëpe asara si papa akaï.+
19 Lege ti zo ti goigoi ayeke tongana ndo so gbâ ti asisi ayeke dä,+me lege ti azo ti mbilimbili ayeke tongana kota lege so ayeke kpangbala.+
20 Molenge ti ndara azia ngia na bê ti babâ ti lo,+me zo ti buba azere mama ti lo.+
21 Sarango ye ti buba amû ngia na zo so li ti lo ayeke dä pëpe,+me zo so abâ yâ ti aye nzoni ayeke tambela droit na devant ti lo.+
22 Tongana azo abungbi ti pika patara* pëpe, ye so ala leke ti sara atï na ngu,me grâce na gbâ ti awamungo wango, ye aga nzoni.+
23 Zo ayeke na ngia tongana lo kiri tënë na lege ni,*+nga tënë so a tene na tâ ngoi ni anzere mingi.+
24 Ti zo so asara ye na ndara, lege ti fini+ ague gï guengo na nduzu,ti sara si lo descend pëpe na yâ ti Dû ti kuâ.*+
25 Jéhovah ayeke kungbi na sese da ti azo ti fandara,+me lo yeke bâ si yanga ti sese ti wali-mua+ angbâ na place ni.
26 Jéhovah ake na bê oko ye so zo ti sioni aleke ti sara,+me na lê ti Lo, anzerengo tënë ayeke ye so sioni oko ayeke dä pëpe.+
27 Zo so awara go na ndö ti amba ti lo aga na kpale* na ndö ti azo ti da ti lo,+me zo so ake goro ayeke ngbâ na fini.+
28 Zo ti mbilimbili agbu li na yâ ti bê ti lo kozo si lo kiri tënë,+me yanga ti azo ti sioni asigi na asioni tënë hio hio.
29 Jéhovah ayeke yongoro na azo ti sioni,me lo mä sambela ti azo ti mbilimbili.+
30 Lê so aza pendere asara si* bê ti zo ayeke na ngia;nzoni sango asara si abio ti zo akpengba.*+
31 Zo so amä kpengba wango so amû fini na zo,place ti lo ayeke na popo ti azo ti ndara.+
32 Zo so ake ti tene a fa lege na lo aye fini* ti lo oko pëpe,+me zo so ayeda si a suku na lo ayeke wara hingango ndo.+
33 Kpengo mbeto ti Jéhovah afa na zo tongana nyen ti sara ye na ndara,+na kozo si zo awara gloire, a lingbi lo sara terê ti lo kete si.+
Akete tënë na terê ni
^ Wala “na nzoni bê.”
^ Wala “Langue so asara si zo awara sava.”
^ Na Hébreu: “aneka yingo.”
^ Wala “a suku na lo.”
^ Wala “ye kue so zo ti sioni awara.”
^ Wala “ayeke ngangu mingi.”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Wala “na Abaddon.”
^ Wala “so asuku na lo.”
^ Na Hébreu: “aneka yingo.”
^ Wala “ye ti buba la ala yeke tomba peko ni.”
^ Wala “nzoni.”
^ Wala “wusuwusu.”
^ Wala “ti sara lisoro na popo ti ala.”
^ Na Hébreu: “na yâ ti kiringo tënë ti yanga ti lo.”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Wala “kamene.”
^ Wala “Zo so abâ mba ti lo na ngia na bê asara si.”
^ Na Hébreu: “asara si abio asi singo na mafuta.”
^ Wala “âme.”
