aProverbe 24:1-34
24 Zia si bê asara mo pëpe na terê ti azo ti sioni,nga zia si nzara ti ga kamarade ti ala agbu bê ti mo pëpe,+
2 ndali ti so bê ti ala ayeke gï na ndö ti sarango ye ti ngangu na zo,nga yanga ti ala ayeke sara gï tënë ti akpale so ala ye ti ga na ni na zo.
3 Grâce na ndara, zo aleke da,*+nga grâce na bango yâ ti aye nzoni, da ni aluti nzoni.
4 Grâce na hingango ye, yâ ti achambre ni asi singona mara ti apendere ye ti mosoro ti ngangu ngere nde nde kue.+
5 Zo ti ndara ayeke ngangu mingi,+nga hingango ye asara si zo awara ngangu ahon ti kozo.
6 Na lege ti nzoni kode ti fango lege,* mo yeke sara bira,+nga na lege ti gbâ ti awamungo wango, zo ayeke sö benda.*+
7 Zo ti buba alingbi ti wara tâ ndara pëpe;+na yanga ti gbagba ti gbata ti lo, lo yeke na tënë oko ti tene pëpe.
8 Zo so aleke ti sara sioni,a yeke iri lo maître ti sarango ye na mayele.+
9 Aye ti buba so zo aleke ti sara* ayeke siokpari,nga azo ake zo ti hengo ndo na bê ti ala oko.+
10 Tongana bê ti mo anze kue na ngoi ti ngangu kpale,*ngangu ti mo ayeke kiri gï kete.
11 Sö azo so a yeke gue na ala ti fâ ala,nga gbanzi azo so atambela tongana azo so ngangu ti ala ahunzi kue, so a yeke gue na ala ti fâ ala.+
12 Tongana mo tene: “E hinga ti e ye oko na ndö ni pëpe,”
Lo so ayeke bâ ye so ayeke na bê ti zo,* lo yeke hinga ni ape?+
Lo so ayeke bâ mo* ayeke hinga ni,na Lo yeke futa zo oko oko alingbi na kusala ti lo.+
13 Molenge ti mbi, te mafuta ti otoro ndali ti so a yeke nzoni;mafuta ti otoro so ade ti pete ni pëpe anzere na yanga.
14 Legeoko nga, hinga so ndara ayeke nzoni ndali ti mo.*+
Tongana mo wara ni, gigi ti mo ti kekereke ayeke ga nzoni,nga beku ti mo ayeke ngbâ senge pëpe.+
15 Honde terê ti mo pëpe na terê ti da ti zo ti mbilimbili ti sara sioni na lo;futi pëpe ndo so lo yeke duti dä ti wu terê ti lo,
16 ndali ti so zo ti mbilimbili apeut ti tï fani mbasambala, me lo yeke kiri ti londo;+me ye ti ngangu ayeke kinda zo ti sioni.+
17 Tongana wato ti mo atï, zia si terê ti mo anzere pëpe;nga tongana lo pika gere ti lo, a lingbi a zia ngia na bê ti mo pëpe,+
18 tongaso pëpe, Jéhovah ayeke bâ ni na a yeke nzere na lo pëpe,na Lo yeke zia ti sara ngonzo na terê ti zo ni.*+
19 Zia si bê ti mo ason pëpe* ndali ti azo ti sioni;zia si bê asara mo pëpe na terê ti azo ti sioni,
20 ndali ti so mbeni gigi ti kekereke ayeke dä pëpe ndali ti azo ti sioni;+a yeke mingo lampe ti azo ti sioni.+
21 Molenge ti mbi, kpe mbeto ti Jéhovah nga na gbia.+
Nga bungbi oko pëpe na azo so alondo ti sara ngangu-li,*+
22 ndali ti so gï hio tongaso, ye ti ngangu ayeke wara ala.+
Zo wa la ahinga ye ti sioni so ala use kue* ayeke ga na ni na ndö ti ala?+
23 Atënë so ayeke nga atënë ti azo ti ndara:
Ti mû mbage ti zo na yâ ti ngbanga ayeke nzoni pëpe.+
24 Zo so atene na zo ti sioni: “Mo yeke zo ti mbilimbili,”+azo ayeke deba lo nga amara ayeke tene sioni tënë ti lo.
25 Me azo so asuku na lo, ye ti ala ayeke tambela nzoni,+gbâ ti anzoni ye ayeke ga na ndö ti ala.+
26 Azo ayeke su ngbangba ti zo so akiri tënë na handa pëpe.*+
27 Leke akua ti mo so ayeke na gigi nga leke aye kue nzoni na yâ ti yaka ti mo.
Na pekoni, leke da ti mo.*
28 Tongana mo yeke témoin, bi tënë na li ti mba ti mo senge senge pëpe.+
Handa azo na tënë ti yanga ti mo pëpe.+
29 Tene pëpe: “Mbi yeke sara na lo oko ye so lo sara na mbi so;mbi yeke kiri na lo peko ti ye so lo sara so.”+
30 Mbi hon na terê ti yaka ti zo ti goigoi,+na terê ti yaka ti vigne ti zo so li ti lo ayeke dä pëpe.
31 Mbi bâ so pere amû yâ ni kue,sisi amû lê ti yaka ni kue,nga a kungbi gbagba ti tênë ni na sese.+
32 Mbi bâ ni na mbi gbu li ti mbi na ndö ni;mbi bâ ni, na ye so mbi manda dä ayeke so:
33 Tongana mo ngbâ ti lango kete, mo kiri mo lango kete,mo kanga maboko ti mo ti wu terê ti mo,
34 yere ayeke tï na ndö ti mo, tongana ti so bandii ayeke gbu zo,nga mawa ayeke ga na ndö ti mo tongana zo ti gbungo aye ti zo na ngangu.+
Akete tënë na terê ni
^ Wala “a leke azo ti da.”
^ Wala “fango lege na ndara.”
^ Wala “ye ayeke ga nzoni; zo ayeke wara salut.”
^ Wala “Aye so zo ti buba aleke ti sara.”
^ Wala “na yâ ti angoi ti kpale.”
^ Wala “aye so apusu zo ti sara ye.”
^ Wala “âme ti mo.”
^ Wala “anzere na âme ti mo.”
^ So ti tene wato ni.
^ Wala “Sara ngonzo pëpe.”
^ Wala “azo so adekongo ti hunda changement.”
^ So ti tene Jéhovah nga na gbia ni.
^ A lingbi nga ti tene “Kiringo tënë na lege ni ayeke tongana sungo ngbangba ti zo.”
^ Wala “azo ti da ti mo.”
