aProverbe 31:1-31
31 Atënë ti Gbia Lémuel, kpengba tënë so mama ti lo atene na lo ti fa ye na lo:+
2 Molenge ti mbi, nyen la mbi lingbi ti tene na mo nyen?
Molenge ti yâ ti mbi,molenge ti mbi so mbi mû zendo ndali ti mo, nyen la mbi lingbi ti tene na mo nyen?+
3 Zia pëpe si awali amû ngangu ti mo kue,+nga mû pëpe alege so ayeke futi agbia.+
4 Lémuel, a yeke ndali ti agbia pëpenga a yeke nzoni pëpe ti tene agbia anyon vin;a yeke nga nzoni pëpe ti tene azo ti komande atene: “Sämba ti mbi ayeke na ndo wa?”+
5 Wala peut-être tongana ala nyon ye, ala yeke girisa tënë ti mbelana ala doro adroit ti azo ti mawa.
6 Mû sämba na azo so aga nduru ti kui+nga mû vin na azo so vundu ahon ndö ti ala.*+
7 Zia ala nyon ye si ala girisa yere ti ala;zia ala dabe ti ala na akpale ti ala encore ape.
8 Sara tënë ndali ti azo so apeut ti sara tënë pëpe;sara si a doro pëpe adroit ti azo kue so ayeke nduru ti kui.+
9 Zi yanga ti mo, fâ ngbanga na lege ni;sara si a doro pëpe adroit* ti azo ti mawa na awayere.+
א [Aleph]
10 Zo wa la alingbi ti wara nzoni wali* zo wa?+
Ngere ti lo ahon ti acorail* mingi.
ב [Beth]
11 Koli ti lo azia bê ti lo kue na ndö ti lo,na nzoni ye oko amanke koli ni pëpe.
ג [Guimel]
12 Na yâ ti gigi ti lo kue,lo sara si koli ti lo awara anzoni ye, me asioni ye pëpe.
ד [Daleth]
13 Lo wara kuä ti terê ti taba nga na lin;lo yeke na ngia ti sara kua na maboko ti lo.+
ה [Hé]
14 Lo yeke tongana abateau so ayeke yô kungba ti azo ti dengo buze,+lo yeke mû kobe na yongoro ndo si lo ga na ni.
ו [Waw]
15 Nga, lo londo na ngoi so ndo angbâ ti vuko,lo mû kobe ndali ti azo ti da ti longa lo mû aye ndali ti azo ti kua ti lo ti wali.+
ז [Zaïn]
16 Lo gbu li na ndö ti mbeni yaka, na lo vo ni;lo wani lo sara kua ngangu ti lu yaka ti vigne.*
ח [Heth]
17 Lo leke terê ti lo ti sara angangu kua,+na lo sara si maboko ti lo awara ngangu.
ט [Teth]
18 Lo bâ so lo yeke wara ye na peko ti dengo buze ti lo;lampe ti lo ayeke mingo na bï pëpe.
י [Yod]
19 Lo gbu keke so a roulé kamba na terê ninga lo gbu keke ti pengo na kamba ni.+
כ [Kaph]
20 Lo yôro maboko ti lo na zo ti mawanga lo zi yâ ti maboko ti lo na awayere.+
ל [Lamed]
21 Lo gi bê ti lo pëpe na ndö ti azo ti da ti lo ndali ti dê ti neige,ndali ti so ala kue ayü bongo ti dê.*
מ [Mem]
22 Lo wani lo sara acouverture ti lo.
A sara bongo ti lo na lin nga na laine ti violet.
נ [Noun]
23 Azo mingi ahinga koli ti lo na ayanga ti gbagba ti gbata ni,+ndo so koli ni ayeke duti dä na popo ti a-ancien ti kodro ni.
ס [Samek]
24 Lo fü abongo ti lin* na lo kä ni;azo ti dengo buze awara aceinture na maboko ti lo.
ע [Aïn]
25 Lo yeke na ngangu nga sarango ye ti lo ayeke pendere mingi;lo yeke na gingo bê ndali ti gigi ti kekereke pëpe.*
פ [Pé]
26 Lo sara tënë na ndara;+ndia ti nzoni bê ayeke na yanga ti lo.*
צ [Tsadé]
27 Lo yeke bâ ndo na ndö ti kusala ti azo ti da ti lo,nga lo yeke te mapa pëpe na lege ti kusala ti goigoi.+
ק [Qoph]
28 Amolenge ti lo alondo atene so lo yeke na ngia;koli ti lo alondo agonda lo, atene:
ר [Resh]
29 “Anzoni wali* ayeke mingi,me mo, mo hon ala kue.”
ש [Shin]
30 Sarango ye ti nzere na lê ti azo apeut ti handa zo, nga pendere ti terê ayeke hon,*+me wali so akpe mbeto ti Jéhovah, lo la a yeke gonda lo.+
ת [Taw]
31 Futa lo ndali ti ye so lo sara,*+nga zia akusala ti lo agonda lo na ayanga ti gbagba ti gbata ni.+
Akete tënë na terê ni
^ Wala “vundu ahon ndö ti âme ti ala.”
^ Wala “gbu koko.”
^ Wala “wali so ayeke nzoni mingi.”
^ Bâ na kete bakari.
^ Wala “na lege ti nginza so lo wara.” Na Hébreu: “na lege ti lengo ti maboko ti lo.”
^ Na Hébreu: “bongo use.”
^ Wala “akete bongo so zo ayü na gbe ti bongo.”
^ Wala “lo he ngia ndali ti lango so ayeke ga.”
^ Wala “lo yeke fa ye na ndoye.”
^ Wala “Awali so ayeke nzoni mingi.”
^ Wala “ayeke ye oko pëpe.”
^ Na Hébreu: “Mû ye na yâ ti lengo ti maboko ti lo, mo mû na lo.”
