Job 13:1-28
13 “Lê ti mbi abâ aye so kue,mbi mä ni na mê ti mbi, na mbi gbu ndani nga.
2 Ye so ala hinga, mbi kue mbi hinga ni;mbi yeke kete na gbe ti ala pëpe.
3 Ti mbi, mbi ye ti sara tënë gï na Lo so ngangu ti lo ahon angangu kue;mbi ye ti fa tënë ti mbi na Nzapa.+
4 Me ala tene mvene na ndö ti mbi;ala kue ayeke adocteur so ahinga ti sava zo pëpe.+
5 Tongana ala kanga fade yanga ti ala kpô,ka a fa so ala yeke azo ti ndara.+
6 Ala mä tënë ti mbi si,nga ala dengi mê na atënë so mbi yeke tene ti zi tënë na li ti mbi.
7 Ala yeke tene atënë kirikiri na iri ti Nzapa?
Ala yeke tene atënë ti mvene na iri ti lo?
8 Ala yeke mû ande mbage ti lo?*
Ala yeke tara ti gbu koko ti tâ Nzapa na gbele ngbanga?
9 Tongana lo gi ti bâ ala nzoni,+ ye ayeke tambela nzoni na ala?
Ala kpa ti handa lo tongana ti so ala yeke handa zo?
10 Ti tâ tënë ni, lo yeke suku na alatongana ala tara na hondengo ni ti sara nzoni gï na ambeni zo.+
11 Mbeto ti kota ti lo ayeke sara ala ape?
Nga kota mbeto ti lo ayeke gbu ala ape?
12 Atënë ti ndara ti ala* ayeke ye oko pëpe, tongana mburu ti wâ;aye so ala sara ti bata terê ti ala* akpengba pëpe, tongana ye so a sara ni na popoto.
13 Ala duti kpô si mbi sara tënë.
Na pekoni, ye kue so aye ti si na mbi alingbi ti si senge!
14 Ndali ti nyen la mbi zia fini ti mbi na yâ ti kpale?*nga mbi zia fini* ti mbi na lê ti kuâ?
15 Atâa so lo lingbi ti fâ mbi, mbi yeke ngbâ ti ku,+mbi yeke gue na tënë ti mbi na gbele lo.*
16 Lo yeke ga zo ti sö mbi,+ndali ti so zo so akpe Nzapa pëpe* alingbi pëpe ti ga na gbele lo.+
17 Ala mä mbi nzoni,ala dengi mê na tënë so mbi yeke tene.
18 Mbi leke awe atënë so mbi yeke tene na gbele ngbanga;mbi hinga so tënë ayeke na li ti mbi pëpe.
19 Zo wa la ayeke dë ande gaba na mbi zo wa?
Tongana mbi zi yanga pëpe, mbi yeke kui!*
20 Nzapa ti mbi, sara na mbi gï aye use so,*si mbi honde terê ti mbi na lê ti mo pëpe:
21 Zi nengo maboko ti mo na terê ti mbi,nga sara si mbeto ti mo ahon ndö ti mbi pëpe.+
22 Wala mo iri ndo, na mbi yeke yeda,wala mo zia mbi sara tënë, na mo kiri tënë na mbi.
23 Afaute ti mbi nga na asiokpari ti mbi ni ayeke so wa?
Fa na mbi kengo ndia ti mbi nga na siokpari ti mbi.
24 Ngbanga ti nyen mo honde lê ti mo+na mo bâ mbi tongana wato ti mo?+
25 Mo yeke tara ande ti zia mbeto na bê ti mbeni kugbe so pupu ahon na ni?
Wala mo yeke tomba ande peko ti hulengo pere?
26 Mo ngbâ gï ti sara na mbeti asioni tënë ti mbi,nga mo sara si mbi kiri tënë ndali ti siokpari so mbi sara na ngoi so mbi de maseka.
27 Mo zia gere ti mbi na yâ ti olombo,ndo kue so mbi gue dä, lê ti mo gï dä,na mo zia marque na place ti gere ti mbi oko oko kue.
28 Tongaso, terê ti zo* ayeke buba tongana mbeni ye so afun awe;tongana mbeni bongo so amakongo ti tengo bongo ate ni.
Akete tënë na terê ni
^ Wala “Ala yeke gbu gï part ti lo?”
^ Wala “Atënë ti ala so zo apeut ti girisa ni pëpe.”
^ Na Hébreu: “akûtu so ayeke na terê ti avala ti ala.”
^ Na Hébreu: “Ndali ti nyen la mbi yô nyama ti terê ti mbi na pembe ti mbi?”
^ Wala “âme.”
^ Wala “gbu koko ti aye so mbi sara na devant ti lo.”
^ Wala “apostat.”
^ A lingbi nga ti tene “Tongana zo apeut, mbi yeke duti kpô na mbi kui.”
^ Na Hébreu: “Gï aye use la mo sara ni na mbi pëpe.”
^ Na Hébreu: “lo,” âmanke a ye ti sara tënë ti lo Job ni.
